വി. ചാവറ കുര്യാക്കോസ് ഏലിയാസിന്റെയും വി. എവുപ്രാസ്യാമ്മയുടെയും വിശുദ്ധപദവിയുടെ ആറാമത് വാർഷിക ദിനാഘോഷങ്ങൾ 23-ന് മാന്നാനം ആശ്രമദേവാലയത്തിൽ നടക്കും. തിരുക്കർമ്മങ്ങളുടെ തത്സമയ സംപ്രേഷണം ഉണ്ടായിരിക്കുമെന്ന് ആശ്രമം പ്രിയോർ ഫാ. മാത്യൂസ് ചക്കാലയ്ക്കൽ സിഎംഐ അറിയിച്ചു.
23-നു രാവിലെ 6.30-ന് തിരുവനന്തപുരം സെന്റ് ജോസഫ്‌സ് പ്രോവിൻസ് പ്രോവിൻഷ്യാൽ ഫാ. സെബാസ്റ്റ്യൻ ചാമത്തറ സിഎംഐയുടെ മുഖ്യകാർമ്മികത്വത്തിലും എട്ടിന് കോട്ടയം സെന്റ് ജോസഫ്‌സ് പ്രോവിൻസ് പ്രോവിൻഷ്യാൽ ഫാ. ജോർജ് ഇടയാടിയിൽ സിഎംഐയുടെ മുഖ്യകാർമ്മികത്വത്തിലും വിശുദ്ധ കുർബാന, 11-ന് സിഎംഐ പ്രിയോർ ജനറൽ റവ.ഡോ. തോമസ് ചാത്തംപറമ്പിലിന്റെ മുഖ്യകാർമ്മികത്വത്തിൽ വിശുദ്ധ കുർബാന, ഫാ. ജോസി താമരശേരി സിഎംഐ സന്ദേശം നൽകും.
