പ്രവര്‍ത്തനനിരതമായ ജീവിതത്തിനിടയിലാണ് യേശു അതിരാവിലെ വിജനപ്രദേശത്തു പ്രാര്‍ത്ഥിക്കുന്നത്. നിന്റെ ജീവിതവും പ്രവര്‍ത്തനനിരതമാകുമ്പോള്‍ നിര്‍ബന്ധമായും നിലനിര്‍ത്തേണ്ട ഘടകമാണ് ഏകാന്തതയിലെ പ്രാര്‍ത്ഥന. പ്രവര്‍ത്തനങ്ങള്‍ക്കെല്ലാം ഊര്‍ജ്ജവും ദിശാബോധവും കിട്ടേണ്ടത് അതില്‍ നിന്നാണ്. നീയും തമ്പുരാനും മാത്രമാകുന്ന നിമിഷങ്ങള്‍ അനുദിനജീവിതത്തില്‍ നിര്‍ബന്ധമായും ഉണ്ടായിരിക്കണം. അപ്പോഴാണ് തമ്പുരാന്‍ നിന്റെ പ്രവര്‍ത്തനങ്ങളുടെയും ജീവിതത്തിന്റെയും കടിഞ്ഞാല്‍ ഏറ്റെടുക്കുന്നത്.
