അബോർഷൻ അനുകൂലികൾ നശിപ്പിച്ച അഭയകേന്ദ്രം വൃത്തിയാക്കി അമ്മമാരും കുട്ടികളും

കൊളംബിയയിൽ ഗർഭച്ഛിദ്രത്തിൽ നിന്നും രക്ഷിക്കപ്പെട്ട സ്ത്രീകളെയും കുട്ടികളെയും സംരക്ഷിക്കുന്ന അഭയകേന്ദ്രം ഒരു കൂട്ടം അബോർഷൻ അനുകൂലികൾ നശിപ്പിച്ചു. എന്നാൽ കൊളംബിയയിലെ ’40 ഡേയ്സ് ഫോർ ലൈഫ്’ എന്ന സംഘടനയ്ക്ക് കീഴിൽ പ്രവർത്തിക്കുന്ന ഈ അഭയകേന്ദ്രത്തിലെ സന്നദ്ധ പ്രവർത്തകരും അബോർഷനിൽ നിന്ന് രക്ഷിക്കപ്പെട്ട 40 അമ്മമാരും അവരുടെ കുഞ്ഞുങ്ങളും ചേർന്ന് നശിപ്പിക്കപ്പെട്ട അഭയ കേന്ദ്രം വൃത്തിയാക്കി.

‘ഇവിടെ സ്ത്രീകളെ പ്രസവിക്കുവാൻ നിർബന്ധിതരാക്കുന്നു’, ‘നിർബന്ധിത മാതൃത്വത്തെ സൂക്ഷിക്കുക’ എന്നീ സന്ദേശങ്ങൾ ഇവര്‍ ബൊഗോട്ടയിലെ റ്റിയൂസക്കില്ലൊയിൽ സ്ഥിതിചെയ്യുന്ന ഈ അഭയകേന്ദ്രത്തിനു മുൻപിലുള്ള പ്രവേശനകവാടത്തിൽ എഴുതി വെച്ചിരുന്നു.

“ഹൃദയത്തിൽ വിദ്വേഷവുമുള്ള ഞങ്ങളുടെ സഹോദർക്കായി പ്രാർത്ഥിക്കുന്നു. ഈ ഭവനം വൃത്തിയാക്കുവാൻ എത്തിച്ചേർന്ന സന്നദ്ധ പ്രവർത്തകർക്കും അമ്മമാർക്കും അവരുടെ കുഞ്ഞുങ്ങൾക്കും നന്ദി. ഈ അമ്മമാരുടെ പ്രവർത്തനങ്ങൾ റാഡിക്കൽ ഫെമിനിസ്റ്റുകളുടെ മനസ്സിൽ ഒരു മാറ്റം സൃഷ്ടിക്കുവാൻ ഇടയാകട്ടെ.”- സംഘടനയുടെ ഡയറക്ടർ പമേല ഡെൽഗാഡോ പറഞ്ഞു. 546 -ഓളം കുഞ്ഞുങ്ങളെ മരണത്തിൽ നിന്നും രക്ഷപെടുത്തുവാൻ ഈ സംഘടയ്ക്ക് സാധിച്ചിട്ടുണ്ട്. അഭയകേന്ദ്രത്തിൽ ജീവിക്കുന്ന അമ്മമാർക്ക് തൊഴിലധിഷ്ഠിത വിദ്യാഭ്യാസവും പരിശീലനവും സംഘടന നൽകി വരുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്.