മെക്സിക്കോയിലെ കോവിഡ് പകർച്ചവ്യാധി മൂലം ഡിസംബർ 31 വരെ 134 പുരോഹിതന്മാരും നാല് ബിഷപ്പുമാരും മരിച്ചുവെന്ന് സെന്റർ കാത്തലിക്ക് മൾട്ടി മീഡിയയുടെ (സിസിഎം) ഏറ്റവും പുതിയ റിപ്പോർട്ടിൽ വെളിപ്പെടുത്തുന്നു. എട്ട് ഡീക്കന്മാരും കോവിഡ് ബാധിച്ച് മരണപ്പെട്ടവരിൽ ഉൾപ്പെടുന്നു.
ഇപ്പോൾ കോവിഡ് ബാധിച്ച ബിഷപ്പുമാരുടെ എണ്ണം 14 ആയി. മെക്സിക്കോയിൽ മരണമടഞ്ഞ സന്യാസിനിമാരുടെ എണ്ണവും വളരെയധികം വർദ്ധിച്ചിട്ടുണ്ട്. എന്നാൽ, കണക്കുകൾ ലഭ്യമായിട്ടില്ല. ഈ പകർച്ചവ്യാധി മൂലം ക്ലേശം നേരിടുന്ന എല്ലാവർക്കുമായി പ്രാർത്ഥിക്കണമെന്ന് മൾട്ടി മീഡിയ കത്തോലിക്കാ കേന്ദ്രം ആവശ്യപ്പെട്ടു.
