ഈശോ ഗത്സമനില്‍ പ്രാര്‍ത്ഥിച്ചത് തനിക്കും തന്റെ ശിഷ്യര്‍ക്കും വേണ്ടി മാത്രമല്ല. അവിടുന്ന് പ്രാര്‍ത്ഥിച്ചത് അവനില്‍ വിശ്വസിക്കുന്ന എല്ലാവര്‍ക്കും വേണ്ടിയായിരുന്നു. എനിക്കുവേണ്ടി രക്തം വിയര്‍ത്ത് പ്രാര്‍ത്ഥിച്ച ക്രിസ്തുവിന്റെ ആ പ്രാര്‍ത്ഥനയുടെ ശക്തി എനിക്ക് ലഭിക്കണമെങ്കില്‍ ഞാന്‍ രണ്ടു കാര്യങ്ങള്‍ ചെയ്യണം. ഒന്നാമതായി നീ ശിഷ്യന്മാരിലുടെ ലഭിച്ച വചനം ശ്രവിക്കണം. രണ്ടാമതായി നീ ക്രിസ്തുവില്‍ വിശ്വസിക്കണം. ജീവിതത്തിന്റെ പ്രതിസന്ധിഘട്ടങ്ങളിലൂടെ കടന്നു പോകുമ്പോള്‍ ഒരാത്മശോധന നല്ലതാണു- ക്രിസ്തുവിലും ക്രിസ്തുമോഴികളിലും ഉള്ള എന്റെ വിശ്വാസം എവിടെ നില്‍ക്കുന്നു. മരണത്തോളം പോന്ന തന്റെ വേദനയുടെ നടുവിലും എനിക്കുവേണ്ടി പ്രാര്‍ത്ഥിച്ചവനില്‍ ശരണം വയ്ക്കാന്‍ ഞാന്‍ പരാജയപ്പെടുന്നുണ്ടോ?
