ക്രിസ്തുവിനെ പ്രഘോഷിക്കാനുള്ള കരുത്താണ് വിശ്വാസം. ക്രിസ്തുവിനെ അനുഭവിക്കുന്നവര്‍ അവനെ അനുഗമിക്കണം. ഈശോയെ അനുകരിക്കുമ്പോള്‍ ജീവിതത്തിന് ഒരു പുതിയ മുഖഛായ കൈവരുന്നു, അതായത്, കര്‍മ്മങ്ങള്‍ക്കും വാക്കുകള്‍ക്കും കരുണയുടെ സ്വഭാവമുണ്ടാകുന്നു. അതാണ് സുവിശേഷ പ്രഘോഷണം- നിങ്ങള്‍ ലോകമെങ്ങും പോയി എല്ലാ സൃഷ്ടികളോടും സുവിശേഷം പ്രസംഗിക്കുവിന്‍- എന്ന് ഈശോ പറയുന്നതിന്റെ അര്‍ത്ഥം അവനില്‍ നിന്ന് അനുഭവിച്ചത് കൊടുക്കുക എന്നാണ്. നമ്മളാല്‍ കൊടുത്താലും നമ്മെ കൊടുക്കാതിരിക്കുക, നാം സ്വീകരിച്ച ദൈവത്തെ കൊടുക്കണം. നമ്മളൊക്കെ അപൂര്‍ണ്ണരാണല്ലോ, ആ അപൂര്‍ണ്ണതയല്ല കൊടുക്കപ്പെടേണ്ടത്. പൂര്‍ണ്ണത കിട്ടിയിട്ട് അപൂര്‍ണ്ണതയെ കൊടുക്കുന്ന വിശ്വാസയോഗ്യമല്ലാത്ത കാര്യമാണ്. കൊടുക്കുന്നത് സുവിശേഷമാകണമെങ്കില്‍ ദൈവം തന്നതുതന്നെയാണ് കൊടുക്കേണ്ടത്. നല്ല അനുഭവങ്ങളുടെ പങ്കുവയ്പ്പുകാരായിരിക്കണം നമ്മള്‍. അതാണ് സുവിശേഷ പ്രഘോഷണം.
ഡിസംബര്‍ 3. മത്താ 16, 15-20 സുവിശേഷപ്രഘോഷണം
ഫാ. ജോയി ജെ. കപ്പൂച്ചിന്‍
