ചെറുതാകുന്നവര്‍ക്കാണ് ഈശോയെ സ്വികരിക്കാന്‍ പറ്റുക. ഈശോയെ സ്വീകരിക്കുന്നവന്‍ അവനെ അയച്ച പിതാവിനെയും സ്വീകരിക്കുന്നു. അതിനാല്‍ ഒന്നാമനാകാന്‍ തര്‍ക്കിക്കാതെ ചെറുതാകാന്‍ ശ്രമിക്കുക. ചെറുതാകുക എന്നാല്‍ ശിശുവിനെപ്പോലെ ആകുക എന്ന്. എന്നുവച്ചാല്‍ നിഷ്കളങ്കതയും ശുദ്ധിയും വേണമെന്ന്. എവിടെയും ഒന്നാമതെത്താന്‍ ശ്രമിക്കുന്ന ഈ ലോകത്തില്‍ ഈശോയുടെ വാക്കുകള്‍ക്ക് പ്രസക്തി കൂടുകയാണ്. ഇന്നു മുതല്‍ ആരെങ്കിലും ഒന്നാമതാകാന്‍ ആഗ്രഹിക്കുന്നു എങ്കില്‍ അവസാനത്തെ ആളാകാന്‍ ആഗ്രഹിക്കുക. മാത്രമല്ല എല്ലാവരുടെയും ശ്രൂശ്രുഷകനും ആകുക. അപ്പോള്‍ അവന്‍ അറിയാതെ തന്നെ അവനെ ദൈവം ഒന്നാമനാക്കും.
