ഉപാധികളോടുള്ള വിശ്വാസമാണ് നിനക്കെങ്കിൽ നിന്നെയോർത്ത്, നിന്റെ വിശ്വാസത്തെയോർത്ത് ദൈവം ദു:ഖിക്കും. അത്ഭുതം കാണാനും കൈയ്യടിക്കാനും ദൈവത്തിന് നിന്നെ ആവശ്യമില്ല. മാനദണ്ഡങ്ങൾ കൂടാതെ വിശ്വസിക്കുക. ഈ വിശ്വസമാണ് ദൈവം നിന്നിലും അര്‍പ്പിച്ചിരിക്കുന്നത്. “എന്റ മകൻ മരിക്കുന്നതിന് മുൻപ് വരേണമേ” എന്നത് ഒരു അപ്പന്റെ എല്ലാം മറന്നുള്ള അവസാന യാചനയാണ്. ഈ വിളിയിൽ ഈശോ കാത്തിരുന്ന വിശ്വാസമുണ്ട്. അവനിൽ ചലനം വരുത്തുന്ന ശക്തിയുണ്ട്. ഈ ശക്തി നിന്റെ പ്രാർത്ഥനക്കുണ്ടോ?എങ്കിൽ നിനക്ക് വിശ്വാസമുണ്ട്. ഇതുപോലുള്ള വിളിക്കായ് ദൈവം കാത്തിരിക്കുന്നു.
