ഈശോയോടൊപ്പം സുപ്രഭാതം
സ്വർഗ്ഗീയ പിതാവേ, ഈ സുപ്രഭാതത്തിലെ വിശുദ്ധ നിമിഷത്തിൽ ഉദിച്ചുയരുന്ന സൂര്യനൊടൊപ്പം അങ്ങേ കരുണയും സ്നേഹവും ഞങ്ങൾ വാഴ്ത്തുന്നു. സുവിശേഷ അതിന്റെ ആത്മാർത്ഥതയിൽ ജീവിക്കാൻ ഇന്നേ ദിവസം എന്നെ സഹായിക്കണമേ. ഞാനെന്ന ഭാവത്തേക്കാൾ അപര നന്മ ലക്ഷ്യമാക്കി ജീവിക്കാൻ എന്നെ രൂപപ്പെടുത്തണമേ. ഇന്നത്തെ എന്റെ ജീവിതം പരിശുദ്ധ മാർപാപ്പായുടെ ഈ മാസത്തെ നിയോഗങ്ങൾക്കു വേണ്ടി ഞാൻ കാഴ്ചവയ്ക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
“കഠിനമായ ഹൃദയത്തെ പുനർജീവിക്കാൻ ദൈവവചനത്തിനു കഴിയും.” (ഫ്രാൻസീസ് പാപ്പ)
ഈശോയോടൊപ്പം രാത്രി
“മനുഷ്യപുത്രൻ വന്നിരിക്കുന്നത്, ശുശ്രൂഷിക്കപ്പെടാനല്ല, ശുശ്രൂഷിക്കാനും സ്വന്തം ജീവൻ അനേകർക്ക് വേണ്ടി മോചനദ്രവ്യമായി നൽകാനുമത്രേ.” (മർക്കോ: 10:45). ദൈവമേ ചെറിയ കാര്യങ്ങളിൽ പോലും എന്റെ അയൽക്കാരെ ശുശ്രൂഷിക്കാൻ സാധിച്ചതിനു ഞാൻ നന്ദി പറയുന്നു. മറ്റുള്ളവർ എന്തു വിചാരിക്കും എന്ന ചിന്തയാൽ ഇന്നേദിനം മറ്റുള്ളവരോടുള്ള ഉത്തരവാദിത്വങ്ങളിൽ നിന്ന് അകന്നു ജീവിച്ചതിന് എന്നോട് ക്ഷമിക്കണമേ. നാളെ എന്റെ ഹിതത്തേക്കാൾ ദൈവഹിതത്തിനു പ്രധാന്യം നൽകി ജീവിക്കാൻ എന്നെ സഹായിക്കേണമേ. ആമ്മേൻ
നന്മ നിറഞ്ഞ മറിയമേ ….
