ജനജീവിതത്തെ പ്രതികൂലമായി ബാധിക്കുന്നതും പ്രതിസന്ധികൾ സൃഷ്ടിക്കുന്നതുമായ ബഫർ സോൺ പ്രഖ്യാപനത്തിനെതിരെ പ്രതിഷേധറാലിയുമായി റിപ്പൺ ഇടവക. കേന്ദ്ര-കേരള സർക്കാരുകൾ ജനങ്ങളുടെ ആശങ്കകൾ തിരിച്ചറിഞ്ഞ്, ജനിച്ച മണ്ണിലുള്ള അവരുടെ നിലനിൽപ്പ് ഉറപ്പു വരുത്താൻ തയ്യാറാകണമെന്ന് ഇടവക വികാരി ഫാ. സണ്ണി കൊള്ളറത്തോട്ടം പറഞ്ഞു.
കുട്ടികളും മുതിർന്നവരുമടക്കം മുന്നൂറിലേറേ പേർ പ്രതിഷേധറാലിയിൽ അണിനിരന്നു. ജോർജ് റാത്തപ്പള്ളി, അബ്രാഹം പാലക്കലോടി, ജസ്റ്റിൻ പാലക്കലോടി, ഷിജു പുളിക്കൽ, ജോൺസൺ കുറ്റിക്കാട്ടിൽ എന്നിവർ റാലിക്ക് നേതൃത്വം നൽകി.
