സക്കറിയായുടെ പ്രവചനഗീതമാണ് നമ്മുടെ ഇന്നത്തെ ധ്യാനവിഷയം. യഥാര്‍ത്ഥത്തില്‍ ഇത് സക്കറിയായുടെ സ്‌തോത്രഗീതമാണ്, നന്ദിയുടെ ഗീതമാണ്. ജീവിതത്തില്‍ ദൈവം ചൊരിഞ്ഞിരിക്കുന്ന എല്ലാ അനുഗ്രഹങ്ങള്‍ക്കുമുള്ള നന്ദിയാണ് ഈ വചനഭാഗത്ത് നിറഞ്ഞുനില്‍ക്കുന്നത്.
മൂന്നു കാര്യങ്ങളാണ് പ്രധാനമായും ഈ നന്ദിയുടെ ഗീതത്തിലുള്ളത്. ഒന്നാമതായി, ദൈവം തന്റെ ജനത്തെ രക്ഷിച്ചതിനാല്‍ ദൈവത്തിന് നന്ദി പറയുന്നു. രണ്ടാമതായി, ദൈവത്തിന്റെ മുന്‍കാല വാഗ്ദാനങ്ങള്‍ പൂര്‍ത്തിയായതിന് നന്ദി ചൊല്ലുന്നു. മൂന്നാമതായി, ഭാവിയില്‍ ദൈവം ചെയ്യാന്‍ പോകുന്ന കാര്യങ്ങള്‍ക്കായും നന്ദി അര്‍പ്പിക്കുന്നു. എല്ലാത്തിനും ദൈവത്തിന് നന്ദി അര്‍പ്പിക്കുന്ന സക്കറിയായുടെ മനോഭാവത്തിലേക്ക് വളരേണ്ടവരാണ് നമ്മളും.
ഫാ. ജി. കടൂപ്പാറയില്‍ MCBS
