പാലക്കയം:വിശ്വാസജീവിതം നയിക്കുന്ന യുവാക്കൾക്ക് ദൈവം നല്കുന്ന ഏറ്റവും വലിയ സമ്മാനമാണ് പൗരോഹിത്യം എന്ന് പാലക്കാട് രൂപതാ ബിഷപ് മാർ ജേക്കബ് മനന്തോടത്ത് പറഞ്ഞു. പാലക്കയം സെന്‍റ് മേരീസ് ഇടവകാംഗം ജോബിൻ മേലേമുറിയുടെ പൗരോഹിത്യ സ്വീകരണ ശുശ്രൂഷയിൽ സംസാരിക്കുകയായിരുന്നു അദ്ദേഹം. ആഗോളസഭയ്ക്കുവേണ്ടിയുള്ള സ്വയം സമർപ്പണമാണ് പൗരോഹിത്യത്തിലൂടെ കരസ്ഥമാകുന്നതെന്നും മാര്‍. മനന്തോടത്ത് ഉദ്ബോധിപ്പിച്ചു.
പാലക്കാട് രൂപതാ വികാരി ജനറാൾ മോണ്. പീറ്റർ കൊച്ചുപുരയ്ക്കൽ, മംഗലപ്പുഴ സെന്‍റ് ജോസഫ്സ് പൊന്തിഫിക്കൽ സെമിനാരി റെക്ടർ ഫാ. മാത്യു ഇല്ലത്തുപറമ്പിൽ, ഫാ. സണ്ണി വാഴേപ്പറമ്പിൽ, ഫാ. ഷാജു അങ്ങേവീട്ടിൽ, ഫാ. ജോസുകുട്ടി ചീരാംകുഴി എന്നിവരുടെ കാർമികത്വത്തിൽ ദിവ്യബലിയും നടന്നു.
