പത്തുലക്ഷം കുട്ടികള്‍ ഒന്നിച്ചു ജപമാല ചൊല്ലിയാല്‍ ലോകം മാറിമറയുമെന്ന വി. പാദ്രെ പിയോയുടെ വാക്കുകളെ ബഹുമാനിച്ച് ഫിലിപ്പൈന്‍സും

ഒരു മില്യന്‍ കുട്ടികള്‍ ജപമാല ചൊല്ലിയാല്‍ ഈ ലോകം തന്നെ മാറിപ്പോകും എന്നാണ് വി. പാദ്രെ പിയോയുടെ വാഗ്ദാനം. ഈ വാഗ്ദാനത്തെ അനുസ്മരിച്ചുകൊണ്ട് ലോകവ്യാപകമായി ആരംഭിച്ചിരിക്കുന്ന ഒരു പ്രോഗ്രാമാണ് വണ്‍ മില്യന്‍ ചില്‍ഡ്രന്‍ പ്രേയിങ് ദ റോസറി. ഇതിനു വേണ്ടി ഫിലിപ്പൈന്‍സിലെ കത്തോലിക്കാ സഭ കുട്ടികള്‍ക്ക് സൗജന്യമായി കൊന്തകള്‍ വിതരണം ചെയ്യും. ലോകത്തിലുള്ള എല്ലാ കുട്ടികളെയും പ്രാര്‍ത്ഥനയില്‍ ഒരുമിച്ചുചേര്‍ക്കുന്നതിന് വേണ്ടിയാണ് കൊന്ത വിതരണം ചെയ്യുന്നത്. എയ്ഡ് റ്റു ദ ചര്‍ച്ച് ഇന്‍ നീഡാണ് പ്രോഗ്രാം സംഘടിപ്പിക്കുന്നത്.

2005-ല്‍ വെനിസ്വേലയുടെ തലസ്ഥാനമായ കാരാക്കാസില്‍ ഒരു കൂട്ടം കുട്ടികള്‍ ജപമാല ചൊല്ലി പ്രാര്‍ത്ഥിച്ചുകൊണ്ടിരിക്കുമ്പോള്‍ ഏതാനും സ്ത്രീകള്‍ അതില്‍ പങ്കുചേരുകയും അവര്‍ക്കെല്ലാവര്‍ക്കും പരിശുദ്ധ കന്യാമറിയത്തിന്റെ സാന്നിധ്യം അനുഭവിക്കാന്‍ സാധിക്കുകയും ചെയ്തിരുന്നു. ഇതില്‍ നിന്നാണ് ഇത്തരത്തിലുള്ള പ്രാര്‍ത്ഥനകള്‍ക്ക് തുടക്കമായത്. ഒക്ടോബര്‍ 18-ന് ആരംഭിച്ച ഈ പ്രാര്‍ത്ഥനാ യജ്ഞത്തില്‍ ലോകത്തിലെ 80 രാജ്യങ്ങള്‍ പങ്കെടുക്കും. രാജ്യങ്ങള്‍ തമ്മിലുള്ള സമാധാനവും ഐക്യവും ഊട്ടിയുറപ്പിക്കുക എന്നതും പ്രാര്‍ത്ഥനാ യജ്ഞത്തിന്റെ ലക്ഷ്യമാണ്.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ