ചെറുപുഷ്പ മിഷൻ ലീഗ് സ്ഥാപക ഡയറക്ടർ ഫാ. ജോസഫ് മാലിപ്പറമ്പിൽ മിഷൻ അവാർഡിന് റവ. ഡോ. ഫ്രാൻസിസ് ചീരങ്കൽ അർഹനായി. നാഗാലാൻഡ് മിഷനിൽ സേവനം അനുഷ്ഠിക്കുന്ന ഇദ്ദേഹത്തെ സാമൂഹ്യ പ്രവർത്തന രംഗത്തും ജീവകാരുണ്യ രംഗത്തും നൽകിയ സേവനം പരിഗണിച്ചാണ് അവാർഡിനു തെരഞ്ഞെടുത്തത്.
ഫാ. ജോസഫ് മാലിപ്പറമ്പിലിന്‍റെ 21-ാമത് ചരമവാർഷിക ദിനാചരണത്തോടനുബന്ധിച്ച് 14ന് ചങ്ങനാശേരി അതിരൂപതയിലെ കോട്ടയം ആർപ്പൂക്കര ചെറുപുഷ്പം ദേവാലയത്തിൽ നടക്കുന്ന അനുസ്മരണ സമ്മേളനത്തിൽ ചങ്ങനാശേരി അതിരൂപത സഹായ മെത്രാൻ മാർ തോമസ് തറയിൽ അവാർഡ് സമ്മാനിക്കും.
