2021 ഏപ്രിൽ 8 മുതൽ 29 വരെ കേരളത്തിൽ നടക്കുന്ന എസ്എസ്എൽസി പരീക്ഷയുടെ സമയങ്ങളിൽ ഫിയാത്ത് മിഷൻ ലൈവായി ദിവ്യകാരുണ്യ ആരാധന നടത്തി പ്രാർത്ഥിക്കുന്നു.
ഫിയാത്ത് മിഷന്റെ കുട്ടികൾക്കുള്ള ചാനലായ അമൂല്യയിലാണ് ലൈവ് ആരാധന നടത്തപ്പെടുക. എല്ലാ ദിവസവും പരീക്ഷാ സമയത്തിന് 15 മിനിറ്റ് മുമ്പ് തുടങ്ങുന്ന ആരാധന പരീക്ഷയ്ക്കു ശേഷം 5 മിനിറ്റ് കഴിഞ്ഞാണ് അവസാനിക്കുക. മക്കള്‍ പരീക്ഷാഭയത്തില്‍ നിന്ന് മോചിതരായി പരിശുദ്ധാത്മാവിനാല്‍ നയിക്കപ്പെട്ട് പരീക്ഷ എഴുതുന്നതിനായി പരീക്ഷാസമയങ്ങളിൽ ദിവ്യകാരുണ്യ സന്നിധിയിലിരുന്ന് പ്രാര്‍ത്ഥിക്കാന്‍ മാതാപിതാക്കള്‍ക്ക് അവസരമൊരുക്കുക എന്നതാണ് ഫിയാത്ത് മിഷൻ ഇതിലൂടെ ലക്ഷ്യം വയ്ക്കുന്നത്.
fiat amulya എന്ന യൂ ട്യൂബ് ചാനൽ സബ്സ്ക്രൈബ് ചെയ്ത് ഈ ആരാധനയിൽ പങ്കെടുക്കാവുന്നതാണ്.
