റോമിലെ ജെമെല്ലി ആശുപത്രിയിൽ ശ്വാസകോശാർബുദ ശസ്ത്രക്രിയയ്ക്ക് ശേഷം വിശ്രമിക്കുന്ന ലെയോ പതിനാലാമൻ മാർപാപ്പയ്ക്ക് പ്രാർഥനകളും ആശംസകളും അറിയിച്ച് യു.എസ് പ്രസിഡന്റ് ഡൊണാൾഡ് ട്രംപ്. “ലെയോ മാർപാപ്പ എത്രയും വേഗം സുഖം പ്രാപിക്കട്ടെ എന്ന് ഞാൻ ആശംസിക്കുന്നു. ഞങ്ങളുടെ സ്നേഹവും മികച്ച ആശംസകളും പാപ്പയ്ക്ക് നേരുന്നു.” ഒക്ടോബർ 14-ന് ട്രംപ് പറഞ്ഞു.
ഫ്ലോറിഡയിൽ താമസിക്കുന്ന മാർപാപ്പയുടെ മൂത്ത സഹോദരൻ ലൂയിസ് പ്രെവോസ്റ്റിനെക്കുറിച്ചും ട്രംപ് സംസാരിച്ചു. “അദ്ദേഹത്തിന്റെ സഹോദരൻ എന്റെ ഒരു സുഹൃത്താണ്. അദ്ദേഹം ഒരു മികച്ച വ്യക്തിയാണ്. അദ്ദേഹത്തിന്റെ സഹോദരൻ മാർപാപ്പയെ വളരെ അധികം സ്നേഹിക്കുന്നുണ്ടെന്ന് എനിക്ക് പറയാൻ കഴിയും.” ട്രംപ് കൂട്ടിച്ചേർത്തു.
