ഉക്രേനിയൻ പതാകയുമായി നിൽക്കുന്ന മാർപാപ്പയുടെ സ്റ്റാമ്പ് വത്തിക്കാൻ പുറത്തിറക്കി. വത്തിക്കാനിലെ തപാൽ സേവനങ്ങൾ രണ്ട് സ്റ്റാമ്പുകൾ പുറത്തിറക്കുന്നുണ്ട്. ഒന്ന് ഉക്രൈനിൽ സമാധാനവും ഐക്യദാർഢ്യവും പ്രോത്സാഹിപ്പിക്കുന്നതിനും, മറ്റൊന്ന് വരാനിരിക്കുന്ന ലോക യുവജനദിനത്തെ സംബന്ധിക്കുന്നതുമാണ്. 2023 മെയ് 16-ന് പുതിയ സ്റ്റാമ്പുകൾ പുറത്തിറക്കും.
യുദ്ധത്തിൽ തകർന്ന ഉക്രൈനിലെ നഗരത്തിൽ നിന്ന് കൊണ്ടുവന്ന പതാക, ഉക്രൈനിലെ റഷ്യൻ അധിനിവേശം ആരംഭിച്ച് ഏകദേശം രണ്ടു മാസങ്ങൾക്കു ശേഷം – 2022 ഏപ്രിൽ ആറിന് – പൊതുസദസ്സിൽ ഉയർത്തിപ്പിടിച്ചിരുന്നു. ഈ ചിത്രമാണ് സ്റ്റാമ്പിൽ ഉൾപ്പെടുത്തിയിരിക്കുന്നത്. സമാധാനം പ്രോത്സാഹിപ്പിക്കുക എന്ന ലക്ഷ്യത്തോടെയാണ് വത്തിക്കാൻ ഈ സ്റ്റാമ്പ് പുറത്തിറക്കുന്നത്.
