മേയ് മാസത്തിലെ ഫ്രാൻസിസ് മാർപാപ്പയുടെ പ്രാർത്ഥനാ നിയോഗം പുറത്തുവിട്ട് വത്തിക്കാൻ. യുവജനങ്ങളുടെ വിശ്വാസരൂപീകരണമാണ് 2022 മേയ് മാസത്തിലെ മാർപാപ്പയുടെ പ്രാർത്ഥനാ നിയോഗം.
“പരിശുദ്ധ കന്യകാമറിയത്തെപ്പോലെ ദൈവത്തിലുള്ള പരിപൂർണ്ണമായ വിശ്വാസവും വിവേചനവരവും സമർപ്പണബോധവുമുള്ള യുവജനങ്ങൾക്കു വേണ്ടി നമുക്ക് പ്രാർത്ഥിക്കാം” – പാപ്പാ പറഞ്ഞു. ഉക്രൈനിൽ സമാധാനം പുനഃസ്ഥാപിക്കപ്പെടുന്നതിനു വേണ്ടി മേയ് മാസത്തിൽ ജപമാല ചൊല്ലി പ്രാർത്ഥിക്കണമെന്നും മേയ് ഒന്നിന് സെന്റ് പീറ്റേഴ്സ് ചത്വരത്തിൽ വച്ച് പാപ്പാ കൂട്ടിച്ചേർത്തു.
ഏതാനും മാസങ്ങൾക്കു മുമ്പ്, മാർപാപ്പയുടെ വേൾഡ് വൈഡ് പ്രെയർ നെറ്റ്‌വർക്ക് 2022-ലെ ഓരോ മാസത്തെയും ഫ്രാൻസിസ് മാർപാപ്പയുടെ എല്ലാ പ്രാർത്ഥനാനിയോഗങ്ങളും പുറത്തുവിട്ടിരുന്നു. മാനവികതക്കും സഭയുടെ പ്രവർത്തനങ്ങൾക്കും വേണ്ടിയാണ് പാപ്പായുടെ എല്ലാ പ്രാർത്ഥനാനിയോഗങ്ങളും.
