ഡെമോക്രാറ്റിക് റിപ്പബ്ലിക് ഓഫ് കോംഗോയിൽ (DRC) പടർന്നുപിടിക്കുന്ന എബോള വൈറസ് ബാധ അതിവേഗം വ്യാപിക്കുന്ന പശ്ചാത്തലത്തിൽ, ജീവഹാനി തടയാൻ അന്താരാഷ്ട്ര സമൂഹം അടിയന്തരമായി രംഗത്തിറങ്ങണമെന്ന് ലെയോ പതിനാലാമൻ പാപ്പ ആവശ്യപ്പെട്ടു. രാജ്യത്ത് എബോള ബാധിതരുടെ എണ്ണം 5,500 കടക്കുകയും മരണസംഖ്യ രണ്ടായിരത്തിലധികം ഉയരുകയും ചെയ്തിട്ടുണ്ട്.
ഡിആർ കോംഗോയുടെ ചരിത്രത്തിലെ ഏറ്റവും മാരകമായ എബോള വ്യാപനമാണിത്. ഇറ്റുരി, നോർത്ത് കിവു പ്രവിശ്യകളിലാണ് പുതിയ കേസുകൾ കൂടുതലായി റിപ്പോർട്ട് ചെയ്തിരിക്കുന്നത്. സെന്റ് പീറ്റേഴ്സ് സ്ക്വയറിൽ നടന്ന പ്രാർഥനയ്ക്കു ശേഷം സംസാരിക്കവെയാണ് മാർപാപ്പ ആഗോളസമൂഹത്തോട് സഹായം അഭ്യർഥിച്ചത്. കൂടാതെ, പ്രതിരോധ പ്രവർത്തനങ്ങളിൽ പ്രാദേശിക സമൂഹങ്ങളെയും പങ്കാളികളാക്കണമെന്ന് പാപ്പ ഓർമ്മിപ്പിച്ചു.
രോഗവ്യാപനം തടയുന്നതിന്റെ ഭാഗമായി ലോകാരോഗ്യ സംഘടനയുടെയും മറ്റ് അന്താരാഷ്ട്ര ഏജൻസികളുടെയും നേതൃത്വത്തിൽ വാക്സിനുകളും മറ്റ് അടിയന്തര വൈദ്യസഹായങ്ങളും പ്രദേശത്തേക്ക് എത്തിച്ചുകൊണ്ടിരിക്കുകയാണ്.
