കന്നിപ്പോരാട്ടത്തിൽ തന്നെ നെഹ്റു ട്രോഫി കിരീടത്തിൽ മുത്തമിട്ട സന്തോഷത്തിൽ ദൈവത്തിന് നന്ദി പറഞ്ഞ് അരോമ ബോട്ട് ക്ലബ് അംഗങ്ങൾ. പുന്നമടക്കായലിൽ നടന്ന കടുത്ത പോരാട്ടത്തിനൊടുവിലാണ് നടുഭാഗം ചുണ്ടനെ പിന്നിലാക്കി അരോമ ചുണ്ടൻ ചരിത്ര വിജയം നേടിയത്. വൻ വിജയത്തിന് ശേഷം “ഇത്രത്തോളം ജയം തന്ന ദൈവത്തിനു സ്തോത്രം…” എന്ന പാട്ടുപാടിയാണ് ടീം അംഗങ്ങൾ തങ്ങളുടെ സന്തോഷം പങ്കുവച്ചത്.
ഏവരുടെയും കണ്ണുകൾ പുന്നമടയിലേക്ക് ഉറ്റുനോക്കിയ നിമിഷത്തിൽ, പ്രതീക്ഷിക്കാത്ത വൻ വിജയം നേടിയ നിമിഷത്തിൽ വീണ്ടും ദൈവത്തിന് നന്ദി പറഞ്ഞ് അരോമ ബോട്ട് ക്ലബ് പ്രാർഥനയോടെ തങ്ങളുടെ ആഘോഷങ്ങൾ തുടരുകയാണ്. വള്ളംകളി പ്രേമികളുടെയും നാട്ടുകാരുടെയും നിറഞ്ഞ കയ്യടികൾ ഏറ്റുവാങ്ങി അരോമ തുഴച്ചിലുകാർ കരയിലേക്ക് കയറിയപ്പോഴും ഈ നന്ദിപ്രകടനങ്ങൾ തുടർന്നു. കന്നി മത്സരത്തിൽ തന്നെ ഇത്രയും വലിയൊരു നേട്ടം കൈവരിക്കാൻ സാധിച്ചതിൽ ദൈവത്തിന് നന്ദി പറഞ്ഞ് അരോമ ബോട്ട് ക്ലബ് ഈ ചരിത്ര മുഹൂർത്തം വലിയ ആഘോഷമാക്കുകയാണ്.
