ആഫ്രിക്കയില്‍ എയ്ഡ്‌സിനെതിരെ പോരാട്ടവുമായി കത്തോലിക്കാ സംഘടന

2002-ല്‍, രൂപീകൃതമായ നാള്‍ മുതല്‍ ആഫ്രിക്കയിലെ ജനങ്ങള്‍ക്ക് ആരോഗ്യപരിപാലനം നല്‍കിവരികയാണ് ഡ്രഗ് റിസോഴ്‌സ് എന്‍ഹാന്‍സ്‌മെന്റ് പ്രോഗ്രാം (ഡ്രീം) സംഘടന. പ്രധാനമായും എച്ച്‌ഐവി-ക്കും എയ്ഡ്‌സിനുമെതിരെയുള്ള പോരാട്ടം.

സാന്‍ എജിഡിയോ കമ്മ്യൂണിറ്റി രൂപകല്‍പന ചെയ്യുകയും പ്രോത്സാഹിപ്പിക്കുകയും ചെയ്യുന്ന ഒരു പ്രോഗ്രാമാണിത്. 70 രാജ്യങ്ങളിലായി, ഇത് പാര്‍ശ്വവൽക്കരിക്കപ്പെട്ടവരെ സഹായിക്കുന്നതില്‍ നിലവില്‍ ഏറ്റവും സജീവമായ കത്തോലിക്കാ പ്രസ്ഥാനങ്ങളിലൊന്നാണ്.

അവരുടെ കണക്കുകൂട്ടലുകള്‍ അനുസരിച്ച്, ഡ്രീം പ്രോഗ്രാം ഇതിനകം 3 ദശലക്ഷം ആളുകളെ പരിശീലന കോഴ്‌സുകളിലൂടെ സഹായിച്ചിട്ടുണ്ട്. കൂടാതെ പോഷകാഹാരം, ആരോഗ്യം, സാമൂഹിക സഹായം എന്നിവയ്ക്കുള്ള പിന്തുണയും നല്‍കിക്കഴിഞ്ഞു.

രോഗികളെ ചികിത്സിക്കുന്നത് അവര്‍ക്ക് മരുന്നുകള്‍ നല്‍കുക മാത്രമല്ല, അവര്‍ക്ക് ഒരു കുടുംബാന്തരീക്ഷം നല്‍കുകയും ചെയ്യുന്നുവെന്ന് പരിപാടിയുടെ ജനറല്‍ കോര്‍ഡിനേറ്റര്‍ വിശദീകരിക്കുന്നു. ഡ്രീം പ്രോഗ്രാം ജനറല്‍ കോര്‍ഡിനേറ്റര്‍ പൗളോ ജെര്‍മാനോ പറയുന്നു. ‘ഞങ്ങള്‍ ഒരു കുടുംബത്തെപ്പോലെ രോഗികളെ സ്വാഗതം ചെയ്യുന്നു. ഇത് ഒരു കുടുംബമായി സൃഷ്ടിക്കപ്പെടുന്നു. ആരോഗ്യസംരക്ഷണ ഉദ്യോഗസ്ഥരുമായുള്ള ബന്ധവും വളരെ പരിചിതമാണ്. രോഗിയായ വ്യക്തിക്ക് മരുന്ന് മാത്രമല്ല, കുടുംബത്തിന്റെ പിന്തുണയും ആവശ്യമാണ്.’

ഡ്രീം പ്രോഗ്രാമില്‍ ആഫ്രിക്കയിലെ 11 രാജ്യങ്ങളില്‍ കേന്ദ്രങ്ങളും ലബോറട്ടറികളും ഉണ്ട്. അവരുടെ ചികിത്സകള്‍ എച്ച്ഐവി അണുബാധ കുറയ്ക്കുന്നതിന് സഹായിക്കുകയും നിരവധി ആളുകളെ സമൂഹത്തില്‍ മികച്ച രീതിയില്‍ ജീവിക്കാന്‍ അനുവദിക്കുകയും ചെയ്യുന്നുണ്ട്.

ചികിത്സയിലൂടെ അമ്മമാരില്‍ നിന്ന് കുട്ടികളിലേക്ക് വൈറസ് പകരുന്നത് അവര്‍ തടഞ്ഞു. അതിന്റെ 2017-ലെ റിപ്പോര്‍ട്ട് അനുസരിച്ച്, ഇന്ന് എച്ച്‌ഐവി പോസിറ്റീവ് അമ്മമാരുടെ 99.9 % കുട്ടികളും ആരോഗ്യത്തോടെ ജനിക്കുന്നു.

ഇപ്പോള്‍, ഡ്രീം 2.0 ഉപയോഗിച്ച്, കടുത്ത ദാരിദ്ര്യവും പട്ടിണിയും ഇല്ലാതാക്കുക, കുട്ടികളുടെ മരണനിരക്ക് കുറയ്ക്കുക, മാതൃ ആരോഗ്യം മെച്ചപ്പെടുത്തുക, എബോള പോലുള്ള മറ്റ് രോഗങ്ങളെ നേരിടുക എന്നിവ ലക്ഷ്യമിടുന്നത് തുടരാന്‍ അവര്‍ ആഗ്രഹിക്കുന്നു.

സെപ്റ്റംബറില്‍, ഫ്രാന്‍സിസ് മാര്‍പാപ്പ ആഫ്രിക്കയിലേക്ക് പോകുമ്പോള്‍, മൊസാംബിക്കിലെ ഒരു ഡ്രീം സെന്റര്‍ സന്ദര്‍ശിച്ച് അതിന്റെ ശ്രമങ്ങളെ പിന്തുണയ്ക്കും.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.