ക്രിസ്തുവിന്റെ സ്നേഹം എല്ലാവരുമായി പങ്കുവയ്ക്കുന്നവരാകുക

‘എല്ലാവരും ക്രിസ്‌തുവിനെയും അവിടുത്തെ സ്നേഹത്തെയും അറിയണമെന്ന് അവിടുന്ന് ആഗ്രഹിക്കുന്നു. ക്രിസ്ത്യാനികളാണ് അവിടുത്തെ സ്നേഹം പങ്കുവയ്ക്കുന്ന ദൗത്യവാഹകർ.’ ലോക മിഷൻ ദിനത്തോട് അനുബന്ധിച്ച് നടന്ന വിശുദ്ധ ബലി മധ്യേയുള്ള സന്ദേശത്തിലാണ് ഫ്രാൻസിസ് പാപ്പാ ഈ കാര്യം പറഞ്ഞത്.

നാം ആയിരിക്കുന്ന ചെറിയ ചുറ്റുപാടിലോ, പരിചയക്കാരിലോ മാത്രമല്ല ലോകം മുഴുവനും ക്രിസ്തുവിന് സാക്ഷ്യം നല്കാനാണ് അവിടുന്ന് നമ്മെ വിളിച്ചിരിക്കുന്നത്. യേശു നമ്മോടു പറയുന്നു: “പോവുക, എനിക്ക് സാക്ഷ്യം നൽകാനുള്ള അവസരം നഷ്ടപ്പെടുത്തരുത്” എന്ന്  പാപ്പാ ഓർമ്മപ്പെടുത്തി. നിങ്ങളുടെ സ്ഥാനത്ത് ലോകത്തിൽ മറ്റാർക്കും ക്രിസ്തുവിനു സാക്ഷ്യം നല്കാൻ സാധിക്കുകയില്ല. അതിനാൽ ഒരിക്കലും മടി വിചാരിക്കരുത്. കാരണം, നിങ്ങളല്ലാതെ ക്രിസ്തുവിന് പകരം വെയ്ക്കാൻ മറ്റാരും ഇല്ല – അദ്ദേഹം ഉദ്‌ബോധിപ്പിച്ചു.

അസാധാരണ മിഷൻ മാസത്തോട് അനുബന്ധിച്ച് സെൻറ് പീറ്റേഴ്‌സിൽ ബസലിക്കയിൽ നടന്ന വിശുദ്ധ കുർബാനയിൽ അനേകം വിശ്വാസികൾ പങ്കെടുത്തു. “ധൈര്യമുള്ളവരായിരിക്കുവിൻ, ക്രിസ്തു നിങ്ങളിൽ നിന്നും ഒരുപാട് കാര്യങ്ങൾ പ്രതീക്ഷിക്കുന്നു”  എന്ന്  സന്ദേശത്തിന്റ അവസാനം പാപ്പാ വിശ്വാസികളോടായി പറഞ്ഞു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.

അഭിപ്രായങ്ങൾ