കോതനല്ലൂർ: 7-ാമത് തുവാനിസ ബൈബിൾ കണ്‍വൻഷന്‍ സമാപിച്ചു. കോട്ടയം അതിരൂപത വികാരി ജനറാൾ ഫാ. മൈക്കിൾ വെട്ടിക്കാട്ട് അർപ്പിച്ച വിശുദ്ധ കുർബാനയോടെയായിരുന്നു സമാപനം. ക്രൈസ്തവ കൂട്ടായ്മയില്‍ വളര്‍ന്ന്, സഹോദര സ്നേഹത്തിലൂടെ, വചനാധിഷ്ഠിത ജീവിതം നയിച്ച് ആനന്ദം കണ്ടെത്തണമെന്ന് അദ്ദേഹം പറഞ്ഞു.
വിശുദ്ധ കുർബാനയില്‍ ഫാ. ജിജോ നെല്ലിക്കാക്കണ്ടത്തിൽ, ഫാ. ജോസ് പൂതൃക്കയിൽ, ഫാ. സിറിയക്ക് പടപുരയ്ക്കൽ, ഫാ. ജിബിൻ കീച്ചേരിൽ, ഫാ.ജോയി കാളവേലിൽ എന്നിവർ സഹകാര്‍മ്മികത്വം നിര്‍വഹിച്ചു.
പ്രശസ്ത വചനപ്രഘോഷകൻ ബേബി ജോണ് കലയന്താനി ‘സഭയും പരിശുദ്ധ കന്യകാ മറിയവും’ എന്ന വിഷയത്തിൽ വചനപ്രഘോഷണം നടത്തി. ദിവ്യകാരുണ്യ പ്രദക്ഷിണത്തോടെ കണ്‍വൻഷൻ സമാപിച്ചു. കോട്ടയം അതിരൂപത സഹായമെത്രാൻ മാർ ജോസഫ് പണ്ടാരശേരി ദിവ്യകാരുണ്യ പ്രദക്ഷിണത്തിനു മുഖ്യ കര്‍മ്മികത്വം വഹിച്ചു.
