വിശുദ്ധരുടെ കാര്യങ്ങള്‍ക്കായുള്ള വത്തിക്കാന്‍ സംഘം പുതിയ ഡിക്രി പ്രസിദ്ധപ്പെടുത്തി. പുതിയ പ്രഖ്യാപനങ്ങൾ ചുവടെ ചേർക്കുന്നു.
1. ധന്യയായ മരീയ ലൂയിജാ
വിശുദ്ധ കുരിശിന്‍റെ ആരാധികകളായ ഫ്രാന്‍സിസ്കന്‍ സഹോദരിമാരുടെ സഭാസ്ഥാപകയായ ഇറ്റലിക്കാരി, ധന്യയായ മരീയ ലൂയിജായുടെ (1826-1886) മദ്ധ്യസ്ഥതയില്‍ നടന്ന അത്ഭുത രോഗശാന്തി ഫ്രാന്‍സിസ് പാപ്പാ അംഗീകരിക്കുകയുണ്ടായി.
2. ദൈവദാസന്‍ ആഞ്ചലോ മരീന അല്‍വാരസും കൂട്ടുകാരും
സ്പെയിനില്‍ 1936-ലെ അഭ്യന്തര കലാപകാലത്ത് കൊല്ലപ്പെട്ട ദൈവദാസന്‍ ആഞ്ചലോ മരീന അല്‍വാരസിന്‍റെയും അദ്ദേഹത്തിന്‍റെ 19 അനുചരന്മാരുടെയും മരണം വിശ്വാസത്തെപ്രതിയാണെന്ന് ഡിക്രി സ്ഥിരപ്പെടുത്തി.
3. ജൊവാന്നി ഡോനിസും ഫ്രുത്തൂസോ പേരെസും
സ്പെയിനില്‍ 1936-ലെ ആഭ്യന്തരയുദ്ധത്തില്‍ രക്തസാക്ഷിത്വം വരിച്ച
വചനപ്രഘോഷകരുടെ ഡൊമിനിക്കന്‍ സഭാംഗങ്ങളായ ദൈവദാസര്‍
ജൊവാന്നി അഗ്വീലാര്‍ ഡോനിസിന്‍റെയും നാല് സഹോദരങ്ങളുടെയും
ഡൊമിനിക്കന്‍ 3-ാο സഭാംഗം ദൈവദാസന്‍ ഫ്രുത്തൂസോ പേരെസ് മാര്‍ക്വെയുടെയും രക്തസാക്ഷിത്വം വിശ്വാസധീരതയെന്ന് അംഗീകരിച്ചു.
a. ഇസബേലാ സാഞ്ചസ് റൊമേരോ
സ്പാനിഷ് ആഭ്യന്തര വിപ്ലവകാലത്ത് 1937 ഫെബ്രുവരി 17-ന് ഹുവെസ്കാറില്‍ കൊല്ലപ്പെട്ട ഡൊമിനിക്കന്‍ സഭാംഗം (വി. യൗസേപ്പിതാവിന്‍റെ സ്വര്‍ഗ്ഗാരോപണത്തിന്‍റെ സഹോദരി) ദൈവദാസി ഇസബെല്ല സാഞ്ചസ് റൊമേരോയുടെ രക്തസാക്ഷിത്വം വിശ്വാസത്തെപ്രതിയായിരുന്നെന്ന് സ്ഥിരീകരിച്ചു.
സ്പെയിനിലെ വിപ്ലവകാലത്ത് കൊല്ലപ്പെട്ട ഒട്ടനവധി വിശ്വാസികളുടെ കൂട്ടത്തിലേയ്ക്ക് ഈ ഡിക്രി പ്രകാരം 26 പേരുടെ രക്തസാക്ഷിത്വം കൂടി വിശ്വാസത്തെപ്രതിയെന്ന് പാപ്പാ രേഖകള്‍ പരിശോധിച്ച് അംഗീകരിക്കുകയുണ്ടായി.
4. ദൈവദാസരുടെ വീരോചിതപുണ്യങ്ങള്‍ അംഗീകരിച്ചു
a. വിന്‍ചേന്‍സോ മരിയ മറേലി
ഇറ്റലി സ്വദേശിയും ഒത്രാന്തോയിലെ മെത്രാപ്പോലീത്തയുമായിരുന്ന
ദൈവദാസന്‍ വിന്‍ചേന്‍സോ മരിയ മറേലി (1741-1812).
b. കാര്‍ളോ ആഞ്ചെലോ സൊന്‍സീനി
ഇറ്റലി സ്വദേശിയും വി. യൗസേപ്പിതാവിന്‍റെ സഹോദരിമാരുടെ
സഭാസ്ഥാപകനുമായ രൂപത വൈദികന്‍, ദൈവദാസന്‍ കാര്‍ളോ ആഞ്ചെലോ സൊന്‍സീനി (1878-1957).
c. മൊന്തേരോ ദി അഗ്വിയാര്‍
പോര്‍ച്ചുഗല്‍ സ്വദേശിയും രൂപത വൈദികനുമായ ദൈവദാസന്‍
മൊന്തേരോ ദി അഗ്വിയാര്‍ (1887-1956).
d. ജൂലിയോ ഫാചിബേനി
ഇറ്റലിയില്‍ ഫ്ലോറന്‍സുകാരനായ രൂപതാവൈദികന്‍ ദൈവദാസന്‍ ജൂലിയോ ഫാചിബേനി (1884-1958).
e. തൊമാസോ സ്വാരസ് ഫെര്‍ണാണ്ടസ്
സ്പെയിന്‍ സ്വദേശിയും അഗസ്തീനിയന്‍ സഭാംഗവുമായ
വൈദികന്‍ ദൈവദാസന്‍ തൊമാസോ സ്വാരസ് ഫെര്‍ണാണ്ടസ് (1915-1949).
f. ഡീന അമോരിം
ബ്രസീലിലെ റിയോ സ്വദേശിയും മേരിയന്‍ പ്രസ്ഥാനത്തിലെ
അംഗവുമായ ഡീന അമോരിം (1917-1988).
മേല്‍പ്പറഞ്ഞ 6 ദൈവദാസരുടെ വീരോചിത പുണ്യങ്ങള്‍ ഫ്രാന്‍സിസ് പാപ്പാ ഡിക്രിയില്‍ ഒപ്പുവച്ചു കൊണ്ട് അംഗീകരിക്കുകയുണ്ടായി.
