കോട്ടയം: എസ്കെപിഎസ് ഗ്രൂപ്പ് ഓഫ് എഡ്യൂക്കേഷന്റെ മാനേജരും വല്ലംബ്രോസൻ സഭയുടെ ഇന്ത്യയിലെ മുൻ സുപ്പീരിയർ ജനറലുമായ റവ. ഡോ. ടോമി തേർവാലക്കട്ടയിലിൽ ഡോ. താർസീസ് ജോസഫ് ഫൗണ്ടേഷൻ ഏർപ്പെടുത്തിയ എഡ്യുക്കേഷണൽ ചാരിറ്റബിൾ ട്രസ്റ്റിന്റെ എഡ്യുക്കേഷണൽ ഐക്കണ് ഓഫ് ദി ഇയർ അവാർഡിന് അർഹനായി. പ്രശസ്തി പത്രവും പതിനായിരം രൂപയുമാണ് അവാർഡ്.
28നു കടുത്തുരുത്തി സെന്റ് കുര്യാക്കോസ് സീനിയർ സെക്കൻഡറി സ്കൂളിൽ നടക്കുന്ന ചടങ്ങിൽ അവാർഡ് നൽകും.
പാലാ ബിഷപ് മാർ ജോസഫ് കല്ലറങ്ങാട്ട്, മോണ്. ജോസഫ് വല്ലേപ്പറന്പിൽ, ഡോ. എ.ടി. ദേവസ്യാ, പ്രഫ. ഇ. ജോണ് മാത്യു, പ്രഫ. കോശി നൈനാൻ, ഡോ. വി.എ. ജോസഫ് എന്നിവർ ആണ് സമിതിയിലെ അംഗങ്ങൾ.
ഡോ. ആന്റണി കല്ലമ്പള്ളി, ഡോ. ജി.എസ്. ഗിരീഷ് കുമാർ, ഡോ. സെബാസ്റ്റ്യൻ ഐക്കര എന്നിവരുൾപ്പെടുന്ന സമിതിയാണ് അവാർഡ് നിർണയിച്ചത്.