ഉണ്ണീശോയെ കാണുന്നതിനായി സമ്മാനങ്ങളോടെയുള്ള നമ്മുടെ യാത്ര അതിന്റെ ലക്ഷ്യത്തിലേക്ക് എത്തുകയാണ്. നമുക്ക് മുൻപിൽ ഇപ്പോൾ ഒരു പുൽകൂടുണ്ട്. സഹനത്തിൽ നിന്നും വിരിഞ്ഞ പ്രതീക്ഷയുടെ, രക്ഷയുടെ പുൽക്കൂട്. ആ പുൽക്കൂട് മുന്നിൽ കണ്ടു യാത്ര ചെയ്യുവാൻ നമുക്ക് തുടർന്നും കഴിയട്ടെ.
ബെത്‌ലഹേമിലേയ്ക്കുള്ള നമ്മുടെ ആത്മീയ യാത്ര അതിന്റെ അവസാന ദിനത്തിലേക്ക് എത്തിയിരിക്കുകയാണ്. ഇന്നേ ദിവസം നമുക്ക് പ്രാർത്ഥിക്കാം:
‘എന്റെ പ്രിയ ഉണ്ണീശോയെ, എന്റെ ഹൃദയമാകുന്ന പുല്‍കൂട് ഞാന്‍ ഇതാ തയ്യാറാക്കി കഴിഞ്ഞിരിക്കുന്നു. എന്റെ ഹൃദയത്തില്‍ അങ്ങ് വന്നു പിറക്കണമേ. ആമ്മേന്‍. ‘
ഇന്നേ ദിവസം എന്റെ ഹൃദയമാകുന്ന പുൽകൂട്ടിലേയ്ക്ക് വരണമേ എന്ന് ആത്മാർത്ഥമായി പ്രാർത്ഥിക്കാം. ഇന്നു നമുക്ക് വിശുദ്ധ കുര്‍ബാനയ്ക്ക് അല്‍പം നേരം മുന്‍പ് പള്ളിയില്‍ എത്താം. നമ്മുടെ ഉള്ളില്‍ പിറക്കാന്‍ പോകുന്ന ഉണ്ണിയുമായി അല്‍പനേരം സംസാരിക്കാം. അങ്ങനെ ഉണ്ണീശോയ്ക്ക് മീറ സമ്മാനിക്കാം.
