നവംബർ ഒന്നിന് സകല വിശുദ്ധരുടെയും തിരുനാൾദിനത്തിൽ ഫ്രാൻസിസ് മാർപാപ്പ പ്രസംഗം നടത്തുകയും, റോമിലെ സമയം ഉച്ചയ്ക്ക് സെന്റ് പീറ്റേഴ്‌സ് സ്‌ക്വയറിന് അഭിമുഖമായുള്ള ജനാലയിൽ നിന്നുകൊണ്ട് ആഞ്ചലൂസ് പ്രാർഥനയ്ക്ക് നേതൃത്വംനൽകുകയും ചെയ്യും. പ്രധാനപ്പെട്ട തിരുനാളുകളിൽ ഇപ്രകാരം പ്രാർഥന നയിക്കുന്നത് മാർപാപ്പയുടെ പതിവാണ്.
ഈ വർഷത്തെ സകല മരിച്ചവരുടെയും തിരുനാൾദിനത്തിൽ രണ്ടാം ലോകമഹായുദ്ധത്തിൽ മരണമടഞ്ഞ 426 കോമൺവെൽത്ത് ശ്മശാനങ്ങൾ ഉൾക്കൊള്ളുന്ന റോം യുദ്ധസെമിത്തേരിയിൽ രാവിലെ 10 മണിക്ക് പരിശുദ്ധ കുർബാനയ്ക്ക് നേതൃത്വംനൽകും. റോമൻ കാലഘട്ടത്തിലെ പിരമിഡായ സെസ്റ്റിയസിന്റെ പിരമിഡിനു സമീപമാണ് ഈ സെമിത്തേരി.
നവംബർ മൂന്നിന് ബെനഡിക്ട് പതിനാറാമൻ മാർപാപ്പയുടെയും കഴിഞ്ഞ വർഷം അന്തരിച്ച ബിഷപ്പുമാരുടെയും കർദിനാൾമാരുടെയും ആത്മശാന്തിക്കായി സെന്റ് പീറ്റേഴ്‌സ് ബസിലിക്കയിൽ നടക്കുന്ന പരിശുദ്ധ കുർബാനയിൽ ഫ്രാൻസിസ് മാർപാപ്പ അധ്യക്ഷത വഹിക്കും. നവംബർ ആദ്യവാരം എപ്പോഴെങ്കിലും ഈ കുർബാന അർപ്പിക്കുന്നത് മാർപാപ്പയുടെ പതിവാണ്.
