സമ്പത്തിന്റെ ശരിയായ വിനിയോഗത്തിനു വേണ്ടി നവംബർ മാസത്തിൽ വിശ്വാസികൾ പ്രത്യേകമായി പ്രാർഥിക്കണമെന്ന് ലെയോ പതിനാലാമൻ മാർപാപ്പ ആഹ്വാനം ചെയ്തു. നവംബർ മാസത്തേക്കുള്ള തന്റെ ഔദ്യോഗിക പ്രാർഥനാ നിയോഗം പുറത്തിറക്കിക്കൊണ്ടാണ് പരിശുദ്ധ പിതാവ് ഇക്കാര്യം ഓർമ്മിപ്പിച്ചത്.
“സമ്പത്തിന്റെ ശരിയായ ഉപയോഗത്തിനായി നമുക്ക് പ്രാർഥിക്കാം. സ്വാർഥതയുടെ പ്രലോഭനങ്ങൾക്ക് അടിപ്പെടാതെ, അത് എപ്പോഴും പൊതുനന്മയ്ക്കും ഏറ്റവും അർഹതയില്ലാത്തവരോടുള്ള ഐക്യദാർഢ്യത്തിനും വേണ്ടി സേവനസജ്ജമാകാൻ ഇടയാകട്ടെ എന്ന് നമുക്ക് പ്രാർഥിക്കാം,” മാർപാപ്പ സന്ദേശത്തിൽ വ്യക്തമാക്കി.
ലോകമെമ്പാടുമുള്ള ദശലക്ഷക്കണക്കിന് മനുഷ്യർ കടുത്ത ദാരിദ്ര്യത്തിലാണ് ജീവിക്കുന്നത്. എന്നിട്ടും, അളവറ്റ സമ്പത്ത് ചുരുക്കം ചിലരുടെ കൈകളിൽ മാത്രം കേന്ദ്രീകരിക്കപ്പെട്ടിരിക്കുന്നു എന്ന് പാപ്പ കഴിഞ്ഞ ഏപ്രിൽ മാസത്തിൽ തന്റെ എക്സ് അക്കൗണ്ടിൽ കുറിച്ചിരുന്നു. ലോകത്തിന്റെ വിവിധ ഭാഗങ്ങളിലെ സാമ്പത്തിക അസമത്വങ്ങൾക്കും മനുഷ്യരുടെ യാതനകൾക്കും പരിഹാരം കാണാൻ പ്രാർഥനയോടൊപ്പം പ്രായോഗികമായ സ്നേഹപ്രവൃത്തികളും അനിവാര്യമാണെന്ന് വത്തിക്കാൻ പുറത്തിറക്കിയ സന്ദേശത്തിൽ വ്യക്തമാക്കുന്നു.
