2026-ലെ സമാധാനത്തിനുള്ള നോബൽ പുരസ്കാരം ഐക്യരാഷ്ട്രസഭയുടെ മുൻ മനുഷ്യാവകാശ ഹൈക്കമ്മീഷണറും അന്താരാഷ്ട്ര കോടതികളിലെ മുൻ ജഡ്ജിയുമായ ഇന്ത്യൻ വംശജ നവി പിള്ളയ്ക്ക്. അന്താരാഷ്ട്ര നിയമങ്ങൾ ശക്തിപ്പെടുത്തുന്നതിനും സമാധാനം പ്രോത്സാഹിപ്പിക്കുന്നതിനും നൽകിയ സമഗ്ര സംഭാവനകൾ മാനിച്ചാണ് ഈ അംഗീകാരം.
വർണ്ണവിവേചന കാലത്ത് ദക്ഷിണാഫ്രിക്കയിൽ മനുഷ്യാവകാശ പ്രവർത്തകർക്ക് വേണ്ടി വാദിച്ചതു മുതൽ, റുവാണ്ടയിലെ വംശഹത്യ ഉൾപ്പെടെയുള്ള ചരിത്രപ്രധാനമായ അന്താരാഷ്ട്ര കുറ്റകൃത്യങ്ങൾ വിചാരണ ചെയ്യുന്നതിൽ വഹിച്ച നിർണായക പങ്ക് വരെ നോബൽ കമ്മിറ്റി എടുത്തുപറഞ്ഞു. നെൽസൺ മണ്ടേല, ആർച്ച്ബിഷപ്പ് ഡെസ്മണ്ട് ടൂട്ടു എന്നിവർക്ക് ശേഷം സമാധാന നോബൽ നേടുന്ന ദക്ഷിണാഫ്രിക്കയിൽ നിന്നുള്ള അഞ്ചാമത്തെ വ്യക്തിയാണ് 85 കാരിയായ നവി പിള്ള.
യു.എൻ സെക്രട്ടറി ജനറൽ അന്റോണിയോ ഗുട്ടെറസ് ഉൾപ്പെടെയുള്ള പ്രമുഖർ നവി പിള്ളയെ അഭിനന്ദിച്ചു. അന്താരാഷ്ട്ര നിയമങ്ങളും നീതിയും സംരക്ഷിക്കാൻ ജീവിതം മാറ്റിവച്ച ധീരയായ വ്യക്തിയാണ് അവരെന്ന് ഗുട്ടെറസ് വിശേഷിപ്പിച്ചു.
