1956 ഒക്ടോബർ 17-നായിരുന്നു ചെസ് ടൂർണമെന്റിൽ ‘ദി ഗെയിം ഓഫ് ദി സെഞ്ച്വറി’ എന്ന മത്സരം നടന്നത്. ന്യൂയോർക്ക് സിറ്റിയിലെ മാർഷൽ ചെസ് ക്ലബ്ബിൽ നടന്ന റോസൻവാൾഡ് മെമ്മോറിയൽ ടൂർണമെന്റിൽ ഡൊണാൾഡ് ബൈർണിനെതിരെ 13 വയസ്സുള്ള ലോക ചാമ്പ്യനായ ബോബി ഫിഷർ വിജയിച്ച ഒരു ചെസ്സ് ഗെയിമാണ് ‘ദി ഗെയിം ഓഫ് ദി സെഞ്ച്വറി’. ചെസ്സ് റിവ്യൂവിൽ, ഹാൻസ് ക്മോച്ച് ഇതിനെ ‘ദി ഗെയിം ഓഫ് ദി സെഞ്ച്വറി’ എന്ന് വിശേഷിപ്പിച്ച് ഇങ്ങനെ എഴുതി: “13 വയസ്സുള്ള ഒരു ആൺകുട്ടി ഒരു ശക്തനായ എതിരാളിക്കെതിരെ അവതരിപ്പിച്ച കോമ്പിനേഷൻ പ്ലേയുടെ അതിശയകരമായ മാസ്റ്റർപീസ് ആയ ഗെയിം, ചെസ്സ് പ്രതിഭകളുടെ ചരിത്രത്തിലെ ഏറ്റവും മികച്ച റെക്കോർഡായി മാറി”.
മദർ തെരേസയ്ക്ക് സമാധാനത്തിനുള്ള നോബൽ സമ്മാനം ലഭിച്ചത് 1979 ഒക്ടോബർ 17 നായിരുന്നു. അതേ വർഷം ഡിസംബർ പത്തിനായിരുന്നു നോർവേയിൽ ഓസ്ലോയിൽ വെച്ച് സമ്മാനം ഏറ്റുവാങ്ങിയത്. സ്വീകരണ പ്രസംഗത്തിൽ സ്നേഹം, കാരുണ്യം, അന്തസ്സ് എന്നിവയെക്കുറിച്ച് മദർ സംസാരിച്ചു. മാനുഷിക മൂല്യങ്ങളോടുള്ള അവരുടെ ആഴമായ പ്രതിബദ്ധതയും പ്രസംഗത്തിൽ പ്രതിഫലിച്ചു. മദറിന്റെ വിനയവും സമർപ്പണവും പലരെയും പ്രചോദിപ്പിച്ചു. കാരുണ്യത്തെയും സാമൂഹിക നീതിയെയും കുറിച്ചുള്ള മദറിന്റെ കാഴ്ചപ്പാടുകളുടെ സ്വാധീനം ഇപ്പോഴും തുടരുന്നു.
1989 ഒക്ടോബർ 17 ന് വടക്കൻ കാലിഫോർണിയയിൽ ഭൂകമ്പമുണ്ടായി. റിക്ടർ സ്കെയിലിൽ 6.9 തീവ്രത രേഖപ്പെടുത്തിയ ലോമ പ്രീറ്റ ഭൂകമ്പത്തിൽ വ്യാപകമായ നാശ നഷ്ടങ്ങളാണുണ്ടായത്. 63 പേർ മരണമടയുകയും 3,757 പേർക്ക് പരിക്കേൽക്കുകയും ചെയ്തു. ഏകദേശം 6 ബില്യൺ ഡോളറിന്റെ നാശനഷ്ടമുണ്ടായി. ‘വേൾഡ് സീരീസ് ഭൂകമ്പം’ എന്നും അറിയപ്പെടുന്ന ഈ ഭൂകമ്പം 1989 ലെ വേൾഡ് സീരീസിന്റെ മൂന്നാം മത്സരത്തിന് തൊട്ടുമുൻപാണ് സംഭവിച്ചത്. ഇത് സാൻ ഫ്രാൻസിസ്കോ-ഓക്ക്‌ലാൻഡ് ബേ പാലത്തിന്റെയും സൈപ്രസ് ഫ്രീവേയുടെയും ഭാഗങ്ങൾ ഉൾപ്പെടെ കാര്യമായ അടിസ്ഥാന സൗകര്യ തകർച്ചകൾക്ക് കാരണമായി. ഈ ദുരന്തം കെട്ടിട കോഡുകളുടെയും ദുരന്ത പ്രതികരണ പ്രോട്ടോക്കോളുകളുടെയും പുനർമൂല്യനിർണയത്തിന് കാരണമായി.
