ഒരു പുഞ്ചിരി. ഒരു നല്ല വാക്ക്. വിഷമിച്ചിരിക്കുന്ന ഒരാൾക്ക് നൽകുന്ന കുറച്ച് സമയം. നമുക്ക് ചെറുതായി തോന്നുന്ന ഇത്തരം കാര്യങ്ങൾ ഒരാളുടെ മനസ്സിൽ വലിയ ആശ്വാസമാകാം. അതിലും മനോഹരം, മറ്റൊരാൾക്ക് സന്തോഷം നൽകുമ്പോൾ അതിന്റെ ഒരു പങ്ക് നമ്മുടെ മനസ്സിലും നിറയുന്നു എന്നതാണ്.
നന്മ ചെയ്യാൻ വലിയ അവസരങ്ങൾ വേണമെന്നില്ല
നന്മ ചെയ്യാൻ വലിയ അവസരങ്ങളൊന്നും കാത്തിരിക്കേണ്ടതില്ല. ഏറെ നാളായി സംസാരിക്കാത്ത ഒരാളെ വിളിക്കാം, വിഷമിക്കുന്ന ഒരാളെ ശ്രദ്ധയോടെ കേൾക്കാം, സഹായം ആവശ്യമുള്ളവർക്ക് കൈത്താങ്ങാകാം, ഒരു നല്ല വാക്കോ പുഞ്ചിരിയോ നൽകാം. നമ്മുടെ ചെറിയൊരു കരുതൽ പോലും ഒരാളുടെ മനസ്സിൽ സന്തോഷം നിറയ്ക്കാം. അതിലൂടെ നമ്മുടെ മനസ്സിലും സന്തോഷവും ആത്മസംതൃപ്തിയും വളരും.
നന്മ ആദ്യം നമ്മിൽനിന്ന്
മറ്റുള്ളവരോട് കരുണ കാണിക്കുന്നതുപോലെ തന്നെ നമ്മളോടും കരുണ കാണിക്കണം. സ്വന്തം ശ്രമങ്ങളെ വിലമതിക്കാനും, കുറച്ച് സമയം വിശ്രമിക്കാനും, ഇഷ്ടമുള്ള കാര്യങ്ങൾക്കായി സമയം കണ്ടെത്താനും പഠിക്കാം. സ്വയം കരുതുമ്പോഴാണ് മറ്റുള്ളവരെ കൂടുതൽ മനസ്സോടെ കരുതാൻ കഴിയുന്നത്.
ഇന്നുതന്നെ ഒരു നന്മ ചെയ്യാം
നന്മ ചെയ്യാൻ നാളേയ്ക്കായി കാത്തിരിക്കേണ്ട. ഇന്ന് തന്നെ ഒരാൾക്ക് ഒരു പുഞ്ചിരി നൽകാം, സ്നേഹത്തോടെ ഒരു വാക്ക് പറയാം, സഹായം ആവശ്യമുള്ളിടത്ത് കൈത്താങ്ങാകാം. നമുക്ക് ചെറുതായി തോന്നുന്ന ഒരു നന്മ പോലും മറ്റൊരാളുടെ മനസ്സിൽ വലിയൊരു സന്തോഷമായി മാറിയേക്കാം. നന്മയുടെ സൗന്ദര്യം വലിയ കാര്യങ്ങളിലല്ല, ചെറിയ കരുതലുകളിലാണ്. നാം നൽകുന്ന ഒരു പുഞ്ചിരിയും നല്ല വാക്കും മറ്റൊരാളിലേക്ക് പകരുമ്പോൾ, അതിന്റെ സന്തോഷം നമ്മുടെ മനസ്സിലും നിറയും.
വിവർത്തനം: ഡിൻസി തോമസ്
