ഈശോ ലാസറിനെ ഉയിർപ്പിച്ചതിന് സാക്ഷ്യം വഹിച്ച യഹൂദരിൽ വളരെപ്പേർ ഈശോയിൽ വിശ്വസിക്കുന്നു. എന്നാൽ, പുരോഹിത പ്രമുഖരും ഫരിസേയരും ഈശോയെ വധിക്കാൻ ആലോചിക്കുന്നു. ഈശോയുടെ പ്രവർത്തനങ്ങളോടുള്ള വ്യത്യസ്ത പ്രതികരണങ്ങളാണ് ഇവ. ചിലർ വിശ്വസിക്കുന്നു, ചിലർ കൊല്ലാൻ ആഗ്രഹിക്കുന്നു! ആ വര്ഷത്തെ പ്രധാന പുരോഹിതനായ കയ്യാഫാസ് പറയുന്നു: “ജനം മുഴുവന് നശിക്കാതിരിക്കാനായി അവര്ക്കു വേണ്ടി ഒരുവന് മരിക്കുന്നത് യുക്തമാണെന്നു നിങ്ങള് മനസ്സിലാക്കുന്നുമില്ല.” തുടര്ന്നുള്ള വചനവും ശ്രദ്ധേയമാണ്: “അവന് ഇത് സ്വമേധയാ പറഞ്ഞതല്ല. പ്രത്യുത, ആ വര്ഷത്തെ പ്രധാന പുരോഹിതന് എന്ന നിലയില്, ജനത്തിനു വേണ്ടി യേശു മരിക്കേണ്ടിയിരിക്കുന്നുവെന്ന് പ്രവചിക്കുകയായിരുന്നു. ജനത്തിനു വേണ്ടി മാത്രമല്ല, ചിതറിക്കിടക്കുന്ന ദൈവമക്കളെ ഒരുമിച്ചുകൂട്ടുന്നതിനു വേണ്ടിയും
എല്ലാവര്ക്കും വേണ്ടിയാണ് ഈശോ ജീവിക്കുന്നതും മരിക്കുന്നതും. ആ ജീവിതത്തിനും മരണത്തിനും അര്ഥമുണ്ട്, ലക്ഷ്യമുണ്ട്. ഞാൻ ഉള്പ്പെടെയുള്ള എല്ലാ മനുഷ്യര്ക്കും വേണ്ടിയാണ് ഈശോ മരിച്ചതെന്ന സത്യം നമ്മുടെ ജീവിതത്തിന് കൂടുതല് അർഥം നല്കട്ടെ. നമുക്കു വേണ്ടി മരിച്ചവനു വേണ്ടി നമുക്ക് ജീവിക്കാം.
ഫാ. ജി. കടൂപ്പാറയിൽ MCBS
