ഈ ദിനത്തില് നമ്മള് ധ്യാനിക്കുന്ന വചനഭാഗം ദൈവാലയ ശുദ്ധീകരണമാണ്. “യേശു ദൈവാലയത്തില് പ്രവേശിച്ച്, അവിടെ കച്ചവടം നടത്തിക്കൊണ്ടിരുന്നവരെ പുറത്താക്കി.” ദൈവാലയം കച്ചവടത്തിനുള്ള സ്ഥലമല്ല; അത് വിശുദ്ധമായ ഇടമാണ്. അത് പ്രാർഥനയുടെ ഇടമാണ്.
ദൈവത്തിന്റെ ആലയത്തില് കച്ചവടം നടത്തിക്കൊണ്ടിരുന്നവരെ പുറത്താക്കുന്ന യേശു, ഇന്ന് സ്വന്തം ജീവിതമാകുന്ന ദൈവാലയത്തെ വിശുദ്ധമല്ലാതാക്കുന്ന ഘടകങ്ങളെ ഇല്ലായ്മ ചെയ്യാന് – പുറത്താക്കാന് നമ്മോട് ആഹ്വാനം ചെയ്യുന്നു. എന്റെ ജീവിതത്തിന്റെ വിശുദ്ധി ഇല്ലാതാക്കുന്ന കാര്യങ്ങള് എന്തൊക്കെയെന്ന് കണ്ടുപിടിക്കുകയും അതിനെ ജീവിതത്തില് നിന്ന് മാറ്റിക്കളയുകയും ചെയ്യുക എന്നതാണ് ഈ ദിനത്തില് നാം ചെയ്യേണ്ടത്. സ്വന്തം ജീവിതത്തെ വിശുദ്ധമായി സൂക്ഷിക്കാൻ നമുക്ക് സാധിക്കട്ടെ. “എന്റെ ഭവനം പ്രാര്ഥനാലയമെന്ന് വിളിക്കപ്പെടും എന്ന് എഴുതപ്പെട്ടിരിക്കുന്നു” എന്നാണ് യേശുവിന്റെ വാക്കുകള്. സ്വന്തം ജീവിതത്തെ പ്രാര്ഥനയുടെ ജീവിതമാക്കി നമുക്ക് മാറ്റം.
ഫാ. ജി. കടൂപ്പാറയില് MCBS
