മെക്സിക്കൻ സംസ്ഥാനമായ ചിയാപാസിലെ സാൻ ക്രിസ്റ്റൊബാൽ ഡി ലാസ് കാസസ് രൂപതയിലുള്ള ഡൊമിനിക്കൻ മിഷനറി സി. മരിയ ഇസബെല ഹെർണാണ്ടസിന് വെടിയേറ്റു. അർദ്ധസൈനിക വിഭാഗങ്ങൾ നടത്തിയ വെടിവയ്പിൽ ആണ് സന്യാസിനിക്ക് പരിക്കേറ്റത്.
ആക്രമണത്തെ തുടർന്ന് പാലായനം ചെയ്ത ഒരു സമൂഹത്തിലേക്ക് കാരിത്താസിന്റെ നേതൃത്വത്തിൽ മാനുഷിക സഹായം എത്തിക്കുന്നതിനിടെയാണ് ഈ സിസ്റ്ററിന് പരിക്കേറ്റത്. കന്യാസ്ത്രീയുടെ വലതു കാലിൽ വെടിയേറ്റതായി മെക്സിക്കൻ രൂപത അറിയിച്ചു. ഈ ആക്രമണത്തിന് ഉത്തരവാദികളായവരെ ശിക്ഷിക്കണമെന്ന് രൂപതാ അധികൃതർ ആവശ്യപ്പെട്ടു.
ചിയാപാസ് സംസ്ഥാനത്തെ സമുദായങ്ങളിലെ ദുർബലരായ ജനങ്ങളുടെ സുരക്ഷ ഉറപ്പാക്കുവാനും ഇത്തരം സായുധ സംഘങ്ങളുടെ നിരായുധീകരണത്തിനും ഉള്ള ആവശ്യം ശക്തമാവുകയാണ്.
