ഈശോയോടൊപ്പം സുപ്രഭാതം
സകല നന്മകളുടെയും ദാതാവായ ദൈവമേ, പരിശുദ്ധ ജപമാലരാജ്ഞിയുടെ തിരുനാൾ ആഘോഷിക്കുന്ന ഈ പുണ്യദിനത്തിൽ പ്രാർത്ഥനാ ജീവിതത്തിൽ വിശ്വസ്തത പാലിക്കാൻ എനിക്ക് കൃപ നൽകണമേ. പരിശുദ്ധ അമ്മയുടെ വിമലഹൃദയം വഴി ഇന്നത്തെ എന്റെ ജോലികളും, പ്രാർത്ഥനകളും, സന്തോഷങ്ങളും, സങ്കടങ്ങളും ലോകം മുഴുവനും അർപ്പിക്കപ്പെടുന്ന ദിവ്യബലികളോട് ചേർത്ത്, പ്രത്യേകമായി പരിശുദ്ധ മാർപാപ്പായുടെയും ഈ മാസത്തെ നിയോഗങ്ങൾക്കായി ഞാൻ സമർപ്പിക്കുന്നു. ആമ്മേൻ
സ്വർഗ്ഗസ്ഥനായ പിതാവേ….
ഈശോയോടൊപ്പം മദ്ധ്യാഹ്നം
നന്മ നിറഞ്ഞ മറിയമേ സ്വസ്തി! കർത്താവ് അങ്ങയോടുകൂടെ; സ്ത്രികളിൽ അങ്ങ് അനുഗ്രഹിക്കപ്പെട്ടവളാകുന്നു, അങ്ങയുടെ ഉദരത്തിൻ ഫലമായ ഈശോ അനുഗ്രഹിക്കപ്പെട്ടവനാകുന്നു.
ഈശോയോടൊപ്പം രാത്രി
“മറിയം പറഞ്ഞു എന്റെ ആത്മാവ് കർത്താവിനെ മഹത്വപ്പെടുത്തുന്നു. എന്റെ ചിത്തം എന്റെ രക്ഷകനായ ദൈവത്തിൽ ആനന്ദിക്കുന്നു.” (ലൂക്കാ: 1: 46-47). ദൈവമേ ഇന്നേദിനം എനിക്ക് പൂർത്തിയാക്കാൻ സാധിച്ച എല്ലാ നന്മ പ്രവർത്തികളെയും പ്രതി, ഒരു ചെറു പുഞ്ചിരി ആണങ്കിൽ പോലും അതിനും ഞാൻ നന്ദി പറയുന്നു. നിന്റെ ഹിതത്തിന് ഞാൻ തടസ്സം നിന്നതിനും, ഈ ലോക ഹിതങ്ങൾക്ക് കീഴ്പ്പെട്ട് ജീവിച്ചതിനും ഞാൻ മാപ്പു ചോദിക്കുന്നു. നാളെ നിന്റെ നാമത്തിന്റെ മഹത്വത്തിനും സഹോദരനന്മയ്ക്കും വേണ്ടി ജീവിക്കാൻ എനിക്ക് കൃപതരണമേ . ആമ്മേൻ
നന്മ നിറഞ്ഞ മറിയമേ ….
