സക്കറിയാ ദൂതനോട് ചോദിക്കുന്ന ചോദ്യം പ്രധാനപ്പെട്ടതാണ്. “ഞാന് ഇതെങ്ങനെ അറിയും?” (18). സാധാരണ ഏതു മനുഷ്യന്റെയും മനസില് ഉയരുന്ന ചോദ്യമാണിത്. ഞാന് ഇതെങ്ങനെ അറിയും. മനുഷ്യന്റെ നിസ്സഹായതയേയും അറിവില്ലായ്മയേയും ഈ ചോദ്യം വ്യക്തമാക്കുന്നു.
ദൈവം ഈ ലോകത്തില് പ്രവര്ത്തിക്കുന്നതോ, നമ്മുടെ ജീവിതത്തില് പ്രവര്ത്തിക്കുന്നതോ ആയ കാര്യങ്ങളെ അറിയാന് കഴിയാത്തവരാണ് അല്ലെങ്കിൽ മനസിലാക്കാന് കഴിയാത്തവരാണ് നമ്മള്. നമുക്ക് അറിവില്ലാത്ത പല കാര്യങ്ങളും ഈ ലോകത്ത് സംഭവിക്കുമെന്ന് വിശ്വസിച്ചേ മതിയാവൂ. നമുക്ക് അറിവില്ലാത്ത കാര്യങ്ങള് നിലനില്ക്കുന്നില്ല എന്ന് കരുതുന്നവരാണ് നമ്മള്. എനിക്കറിയാത്ത കാര്യങ്ങള് അറിയുന്ന, ചെയ്യുന്ന ദൈവം എനിക്കൊപ്പമുണ്ട് എന്നതായിരിക്കട്ടെ എന്റെ ഏറ്റവും വലിയ ബലം.
ഫാ. ജി. കടൂപ്പാറയില് MCBS