“എങ്കിലും ഞാന് ഏകനല്ല. കാരണം, പിതാവ് എന്റെ കൂടെയുണ്ട്” (32) എന്ന ഈശോയുടെ വാക്കുകള് നമുക്കും ബലമാകേണ്ട വാക്കുകളാണ്. എല്ലാവരും ഉപേക്ഷിച്ചുപോകുന്ന കാലത്തും ദൈവം കൂടെ നില്ക്കും എന്നത് ഏതു മനുഷ്യനും ആശ്വാസം പകരുന്ന കാര്യമാണ്.
നമ്മുടെ ജീവിതത്തിലും മറ്റുള്ളവര് നമ്മെ ഉപേക്ഷിച്ചുപോയ അവസരങ്ങള് ഉണ്ടായിട്ടുണ്ടല്ലോ. അപ്പോള് നമ്മള് നിരാശപ്പെടുകയാണോ ചെയ്തത് അതോ ദൈവത്തില് കൂടുതല് ആശ്രയം വയ്ക്കുകയാണോ ചെയ്തത്? നമ്മള് ആരും ഏകരല്ല; ദൈവം കൂടെയുള്ളവരാണ്. അത് മനസിലാക്കുകയാണ് പ്രധാനം. “എങ്കിലും ഞാന് ഏകനല്ല. കാരണം, പിതാവ് എന്റെ കൂടെയുണ്ട്” എന്ന വചനം നമുക്കും കരുത്ത് നല്കട്ടെ.
ഫാ. ജി. കടൂപ്പാറയിൽ MCBS