കോട്ടയം: മുൻ മന്ത്രി മോൻസ് ജോസഫ് എംഎൽഎയുടെ നേതൃത്വത്തിൽ നോർത്തേണ് അറേബ്യയുടെ അപ്പസ്തോലിക് വികാറും വത്തിക്കാൻ പ്രതിനിധിയുമായ ബിഷപ് കാമില്ലോ ബാല്ലിനെ ബഹ്റിൻ ബിഷപ് ഹൗസിൽ സന്ദർശിച്ചു. ബഹ്റിൻ റിഫാ മലയാളി അസോസിയേഷൻ ഭാരവാഹികളായ സോബി പൊൻകുന്നം, റോജി ജോസഫ് എന്നിവരും എംഎൽഎയോടൊപ്പം അദ്ദേഹത്തെ സന്ദർശിച്ചു.
കേരളത്തിൽ ബിഷപ് സന്ദർശനം നടത്തിയപ്പോൾ ആനപ്പുറത്ത് കയറി ആഹ്ലാദം പ്രകടിപ്പിച്ചത്തിന്റെ ഓർമ്മയായിട്ട് കേരളത്തിന്‍റെ സ്നേഹോപഹാരം എന്ന നിലയിൽ നെറ്റിപ്പട്ടം കെട്ടിയ ആനയുടെ ശിൽപം മോൻസ് ജോസഫ് എംഎൽഎ ബിഷപിന് സമ്മാനിച്ചു.
