കര്ഷക നീതിക്കു വേണ്ടിയുള്ള പോരാട്ടമാണ് കേരള കര്ഷക ജാഥയെന്ന് പാലാ രൂപത സഹായ മെത്രാന് മാര് ജേക്കബ് മുരിക്കന്. കേരള കര്ഷക ജാഥ പാലാ സോണ് പര്യടനം പൈകയില് ഉദ്ഘാടനം ചെയ്തു പ്രസംഗിക്കുകയായിരുന്നു മാര് ജേക്കബ് മുരിക്കന്.
കോര്പറേറ്റുകള്ക്കുവേണ്ടിയുള്ള വികസന തന്ത്രമല്ല കര്ഷകർക്കുവേണ്ടിയുള്ള വികസന തന്ത്രമാണ് സര്ക്കാരുകള് രൂപപ്പെടുത്തേണ്ടതെന്നും കേന്ദ്ര, സംസ്ഥാന സര്ക്കാരുകള് ഇതിനു തയാറാകണമെന്നും അദ്ദേഹം പറഞ്ഞു.
കേരള കര്ഷക ജാഥ കര്ഷകന്റെ നവ ഉത്ഥാനത്തിനു വഴി തെളിക്കുമെന്നും മാര് ജേക്കബ് മുരിക്കന് കൂട്ടിച്ചേർത്തു.
റാലിയായി പൈക ജംഗ്ഷനിൽ എത്തിയ ജാഥ പാലാ രൂപത സഹായ മെത്രാന് മാര് ജേക്കബ് മുരിക്കന് ജാഥാ ക്യാപ്റ്റന് ഡോ. സണ്ണി വി.സഖറിയയെ ഷാള് അണിയിച്ചു സ്വീകരിച്ചു. തുടര്ന്നു നടന്ന സ്വീകരണ സമ്മേളനം മാര് ജേക്കബ് മുരിക്കന് ഉദ്ഘാടനം ചെയ്തു.