“നാളിതു വരെയും എന്നെ സംരക്ഷിച്ചത് ദൈവമാണ്. അതുകൊണ്ടാണ് ഞാൻ ഇത്രയും കാലം ജീവിച്ചത്” – പറയുന്നത് 110-കാരിയായ മുത്തശ്ശിയാണ്. ടെക്‌സസ് സ്വദേശിയായ എലിസബത്ത് ഫ്രാൻസിസ് എന്ന മുത്തശ്ശിയാണ് കഴിഞ്ഞ ദിവസം 110 -ാം പിറന്നാൾ ആഘോഷിച്ചത്.
“ഞാൻ കഴിച്ച ഭക്ഷണമോ, പാരമ്പര്യങ്ങളോ ഒന്നുമല്ല എന്നെ ഇത്രയും നാൾ ജീവിക്കുവാൻ അനുവദിച്ചത്. ദൈവത്തിന്റെ അനുഗ്രഹമാണ് എന്നെ ഈ കാലമത്രയും ജീവിക്കുവാൻ അനുവദിച്ചതും സംരക്ഷിച്ചതും” – മുത്തശ്ശി മാധ്യമങ്ങളോട് പറഞ്ഞു. ഹാപ്പി ബർത്ത് ഡേ എന്ന കിരീടം ധരിച്ച് കുടുംബാംഗങ്ങൾക്കും സുഹൃത്തുക്കൾക്കും ഒപ്പമാണ് മുത്തശ്ശി ഈ തവണ പിറന്നാൾ ആഘോഷിച്ചത്.
1909-ൽ ലൂസിയാനയിൽ ആണ് ഈ മുത്തശ്ശി ജനിച്ചത്. മക്കളുടേയും കൊച്ചുമക്കളുടേയും വളർച്ചയിൽ നിർണ്ണായകമായ സ്വാധീനം ചെലുത്തിയ ഈ മുത്തശ്ശി 110-ാം പിറന്നാളിലും പൂർണ്ണ ആരോഗ്യവതിയും സന്തുഷ്ടയുമാണ്. തന്റെ ജീവിതത്തിലെ എല്ലാ സന്തോഷങ്ങൾക്കും ഇവർ നന്ദി പറയുന്നത് ദൈവത്തിനാണ്.
