ലഡോ സരായ് ലിറ്റിൽ ഫ്ലവർ സീറോ മലബാർ പള്ളി പൊളിച്ചു നീക്കിയതിൽ ഡൽഹി സർക്കാരിൽ നിന്ന് വിശദമായ റിപ്പോർട്ട് ആവശ്യപ്പെട്ടതായി കേന്ദ്ര ആഭ്യന്തര മന്ത്രി അമിത് ഷാ. കത്തോലിക്കാ ദൈവാലയം തകർത്ത സംഭവം അത്യന്തം ഗൗരവത്തോടെയാണ് ആഭ്യന്തര മന്ത്രാലയം കാണുന്നതെന്നും കൊടിക്കുന്നിൽ സുരേഷ് എംപിയെ മന്ത്രി അറിയിച്ചു.
സംഭവത്തിൽ നടപടികൾ ഉണ്ടാകുമെന്നും കത്തോലിക്കാ സമൂഹത്തിന് യാതൊരു ആശങ്കയും വേണ്ടെന്നും ആഭ്യന്തര മന്ത്രി പറഞ്ഞതായി കൊടിക്കുന്നിൽ സുരേഷ് അറിയിച്ചു. പള്ളിപൊളിച്ചതിനെ കുറിച്ചുള്ള ഡൽഹി സർക്കാരിന്റെ റിപ്പോർട്ട് ഇന്നോ നാളെയോ കിട്ടുമെന്ന് കൂടിക്കാഴ്ചയിൽ അമിത് ഷാ പറഞ്ഞു.
