കോവിഡ് മൂന്നാം തരംഗത്തിന്റെ വരവ് അടുത്തെന്നും കരുതിയിരിക്കണമെന്നും മുന്നറിയിപ്പ് നൽകി ഐഎംഎ. കേന്ദ്ര-സംസ്ഥാന സർക്കാരുകൾ നിയന്ത്രണങ്ങളിലും പ്രതിരോധ പ്രവർത്തനങ്ങളിലും വീഴ്ച വരുത്തരുതെന്നും ഇന്ത്യൻ മെഡിക്കൽ അസോസിയേഷൻ അറിയിച്ചു.
വിനോദയാത്രകളും തീർത്ഥാടനങ്ങളും മതപരമായ ചടങ്ങുകളും ആവശ്യമുള്ളതു തന്നെ. എന്നാൽ കുറച്ചു മാസത്തേയ്ക്ക് കരുതലോടെ ആയിരിക്കണം. ആൾക്കൂട്ടങ്ങൾ ഉണ്ടാകാൻ സാധ്യതയുള്ള സ്ഥലങ്ങൾ നിയന്ത്രണങ്ങളില്ലാതെ തുറന്നുകൊടുക്കരുത് – ഐഎംഎ പ്രസിഡന്റ് ഡോ. ജോൺ റോസ് വെളിപ്പെടുത്തി.
