കൊറോണ എന്ന മഹാവ്യാധിയാല് നട്ടംതിരിയുന്ന ലോകജനതയ്ക്ക് പ്രതീക്ഷ ഉണര്ത്തിക്കൊണ്ട് പതിനാലു വയസുകാരിയുടെ പാട്ട് സോഷ്യല് മീഡിയയില് വൈറലാകുന്നു. എസ്റ്റെല്ല കിർക്ക് എന്ന കൊച്ചുഗായിക ഇപ്പോള് ക്രിസ്ത്യന് സംഗീതലോകത്തെ പുത്തന് പ്രതീക്ഷയാണ്. ‘ഷെൽട്ടർ ഇൻ ദി സ്റ്റോം’ എന്ന ഈ ഗാനം വിശ്വാസത്തിലധിഷ്ഠിതമായ ഒന്നാണ്. വേദനയുടെ സമയങ്ങളില് ദൈവത്തിന്റെ ശക്തിയെക്കുറിച്ച് നമ്മെ ഓര്മ്മപ്പെടുത്തുവാന് ഈ ഗാനം സഹായിക്കുന്നു.
മുതിര്ന്ന ഒരു വ്യക്തിയില് നിന്നും പ്രതീക്ഷിക്കാവുന്ന തരത്തില് അത്രയും മെച്ചപ്പെട്ട രീതിയിലാണ് ഈ ഗാനം ക്രമപ്പെടുത്തിയിരിക്കുന്നത് എന്നതാണ് ശ്രദ്ധേയമായ മറ്റൊരു കാര്യം. കൊറോണ വൈറസ് പകര്ച്ചവ്യാധിയുടെ പിടിയില്പ്പെട്ടിരിക്കുന്ന ലോകത്തിലെ ശ്രദ്ധേയമായ പല ചിത്രങ്ങളും എസ്റ്റെല്ല ഈ ഗാനത്തിന്റെ ഭാഗമാക്കുവാന് ശ്രമിച്ചിട്ടുണ്ട്.
തളർന്നിരിക്കുന്ന ആരോഗ്യപ്രവര്ത്തകരും, ഒറ്റപ്പെടലിൽ ദൈവത്തോടു പ്രാർത്ഥിക്കുന്ന കുട്ടികളുമൊക്കെ ഈ ഗാനത്തിലെ ചിത്രത്തിന്റെ ഭാഗമാകുന്നുണ്ട്. എസ്റ്റെല്ല പാടുന്ന ചിത്രം കാലിഫോര്ണിയയിലെ ഒരു പള്ളിയുടെ സമീപത്തു നിന്നാണ് ചിത്രീകരിച്ചിരിക്കുന്നതെന്നതും ഏറെ വ്യത്യസ്തത പുലര്ത്തുന്നു.
‘ഷെൽട്ടർ ഇൻ ദ സ്ട്രോം’ മിന്റെ ആശയങ്ങള് 91-ാം സങ്കീർത്തനത്തെ അടിസ്ഥാനമാക്കിയുള്ളതാണ്. “ദൈവം നല്കിയ കഴിവുകള് അവിടുത്തെ പാടിസ്തുതിക്കുവാന് ഞാന് ഉപയോഗിച്ചു. അങ്ങനെയാണ് ഈ ഗാനം ഞാന് തുടങ്ങിയത്” – എസ്റ്റെല്ല പറയുന്നു. ഈ കാലഘട്ടത്തില് ദൈവത്തിന്റെ സാമീപ്യം അനുഭവവേദ്യമാക്കാനും പ്രതീക്ഷയുള്ളവരാകുവാനും ഈ ഗാനം നമ്മെ സഹായിക്കുക തന്നെ ചെയ്യും.
വിവര്ത്തനം: സി. സൗമ്യ DSHJ