കൊച്ചി: കത്തോലിക്ക കോണ്ഗ്രസിന്റെ ശതാബ്ദി ആഘോഷങ്ങൾക്കു തൃശൂരിൽ ഒരുക്കങ്ങൾ പൂർത്തിയയായി 11, 12, 13, 14 തീയതികളിലാണു ശതാബ്ദി ആഘോഷങ്ങൾ നടക്കുന്നത്. “മതേതരത്വം രാഷ്‌ട്ര പുരോഗതിക്ക്’ എന്നതാണ് ത്തോലിക്ക കോണ്ഗ്രസിന്റെ ശതാബ്ദി ആഘോഷത്തിന്റെ മുദ്രാവാക്യം.
പൂർവികരുടെ സേവനങ്ങളെ അനുസ്മരിക്കാനും സമുദായത്തിന്‍റെ കൂട്ടായ്മയും അവകാശങ്ങളും പ്രഖ്യാപിക്കാനുമായി സംഘടിപ്പിക്കുന്നത്തിനും സമുദായ സംഗമാവും റാലിയും സങ്കടിപ്പിക്കും.
11നു സംസ്ഥാനത്തിന്‍റെ വിവിധ ഭാഗങ്ങളിൽനിന്നു ഛായാചിത്ര പ്രയാണം ആരംഭിക്കും. 12നു വൈകുന്നേരം നാലിനു തൃശൂർ കത്തീഡ്രൽ പള്ളിയിലെത്തുന്ന ഛായാചിത്രങ്ങൾ തൃശൂർ അതിരൂപത സഹായമെത്രാൻ മാർ ടോണി നീലങ്കാവിലിന്‍റെ നേതൃത്വത്തിൽ സ്വീകരിക്കും. മാർ ജോസഫ് കുണ്ടുകുളം നഗറിൽ (ശക്തൻ തന്പുരാൻ ഗ്രൗണ്ട്) ബിജു പറയന്നിലം പതാക ഉയർത്തും. തുടർന്നു ഗ്ലോബൽ വർക്കിംഗ് കമ്മിറ്റി യോഗം. 13ന് ഉച്ചകഴിഞ്ഞു 3.30 നു മുനിസിപ്പൽ സ്റ്റേഡിയത്തിൽനിന്നാരംഭിക്കുന്ന റാലി തലശേരി അതിരൂപത മെത്രാപ്പോലീത്ത മാർ ജോർജ് ഞരളക്കാട്ട് ഫ്ളാഗ് ഓഫ് ചെയ്യും.
ജോസഫ് കുണ്ടുകുളം നഗറിൽ നടക്കുന്ന സമുദായ മഹാസംഗമം സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി ഉദ്ഘാടനം ചെയ്യും. ബിജു പറയന്നിലം അധ്യക്ഷത വഹിക്കുന്ന സംഗമത്തിൽ തൃശൂർ ആർച്ച്ബിഷപ് മാർ ആൻഡ്രൂസ് താഴത്ത് ശതാബ്ദി സന്ദേശം നൽകുകയും സുപ്രീംകോടതി ജഡ്ജി ജസ്റ്റീസ് കുര്യൻ ജോസഫ് മുഖ്യപ്രഭാഷണം നടത്തുകയും ചെയ്യും. കോട്ടയം ആർച്ച്ബിഷപ് മാർ മാത്യു മൂലക്കാട്ട്, ചങ്ങനാശേരി ആർച്ച്ബിഷപ് മാർ ജോസഫ് പെരുന്തോട്ടം, കത്തോലിക്ക കോണ്ഗ്രസ് ബിഷപ് ലെഗേറ്റ് മാർ റെമിജിയോസ് ഇഞ്ചനാനിയിൽ എന്നിവർ അനുഗ്രഹ പ്രഭാഷണങ്ങൾ നടത്തും. ശതാബ്ദി സ്മരണിക സീറോ മലബാർ സഭ കൂരിയ ബിഷപ് മാർ സെബാസ്റ്റ്യൻ വാണിയപ്പുരയ്ക്കൽ പ്രകാശനം ചെയ്യും.
നൂറു ഭവനരഹിതർക്കുള്ള ഭൂദാന പദ്ധതിയുടെ സമർപ്പണം ഡയറക്ടർ ഫാ. ജിയോ കടവിയും 100 മിഷൻ കേന്ദ്രങ്ങളിലെ പ്രേഷിത പ്രവർത്തന പ്രഖ്യാപനം തൃശൂർ അതിരൂപത ഡയറക്ടർ ഫാ. വർഗീസ് കുത്തൂരും നിർവഹിക്കും.14നു തൃശൂർ ഡിബിസിഎൽസിയിൽ നടക്കുന്ന കേന്ദ്ര പ്രതിനിധി സമ്മേളനം ബിഷപ് ലെഗേറ്റ് മാർ റെമിജിയോസ് ഇഞ്ചനാനിയിൽ ഉദ്ഘാടനം ചെയ്യും.
