അലനല്ലൂർ: ക്രൈസ്തവ ജീവിതത്തിന്റെ കേന്ദ്രങ്ങളാകണം ദേവാലയങ്ങൾ എന്ന് പാലക്കാട് രൂപതാ ബിഷപ് മാർ ജേക്കബ് മനത്തോടത്ത് പറഞ്ഞു. എടത്തനാട്ടുകര ഉപ്പുകുളം പൊൻപാറ സെന്റെ വില്യംസ് ഇടവക ദേവാലയ കൂദാശാകർമം നിർവഹിച്ചു സംസാരിക്കുകയായിരുന്നു ബിഷപ്.
ഇടവക ജനങ്ങളുടെ അത്യധ്വാനത്തിന്റെയും കൂട്ടായ്മയുടെയും ഫലമാണ് ദേവാലയം എന്ന് അദ്ദേഹം ബിഷപ് കൂട്ടിച്ചേർത്തു.
ദേവാലയ നിർമാണത്തിനു നേതൃത്വം വഹിച്ച വികാരിയച്ചനേയും ഇടവകാംഗങ്ങളെയും ബിഷപ് അഭിനന്ദിച്ചു. വൈദികമന്ദിരം, കൽക്കുരിശ്, പാരീഷ് ഹാൾ, അനുബന്ധ കെട്ടിടങ്ങൾ എന്നിവയും പിതാവ് വെഞ്ചരിച്ചു. തുടർന്നു ബിഷപ്പിന്റെ മുഖ്യകാർമികത്വത്തിൽ വിശുദ്ധ കുർബാന അർപ്പിച്ചു.