ദൈവമഹത്വത്തിനായി അനേകരുടെ ദാഹമകറ്റുന്ന അജ്ഞാതൻ

ഏഴു വർഷമായി അനേകരുടെ ദാഹമകറ്റുന്ന അജ്ഞാതനായ വ്യക്തിയുടെ പ്രവർത്തി സോഷ്യൽ മീഡിയയിൽ വൈറലാവുകയാണ്. സ്വന്തം പേര് വെളിപ്പെടുത്താൻ ആഗ്രഹിക്കാത്ത ഈ വ്യക്തി ശീതള പാനീയങ്ങൾ ആവശ്യക്കാർക്ക് പങ്കുവെച്ചാണ് വ്യത്യസ്തനാകുന്നത്.

തിരിച്ചുകിട്ടുമെന്ന് പ്രതീക്ഷിക്കാതെ ദാനം ചെയ്യുന്നതിന്റെ സൗന്ദര്യം ഒന്നുവേറെ തന്നെയാണ്. ആരാലും അറിയപ്പെടാതെ ദാനം ചെയ്യുമ്പോൾ ഇദ്ദേഹം കാംക്ഷിക്കുന്നത് ദൈവമഹത്വം മാത്രമാണ്. തണുപ്പുകാലത്ത് ചൂട് സൂപ്പും ചൂടുകാലത്തു തണുത്ത വെള്ളവും ദാനം ചെയ്താണ് ഈ അജ്ഞാതനായ മനുഷ്യൻ മാതൃകയാകുന്നത്‌. വളരെ ദരിദ്രനായ മനുഷ്യനാണിദ്ദേഹം. അതിനാൽ അദ്ദേഹത്തിൻ്റെ പ്രവർത്തനങ്ങളിൽ ദൈവം അതീവ താല്പര്യവാനാകും തീർച്ച.

എല്ലാം ദൈവമഹത്വത്തിനായി നൽകുന്ന വ്യക്തികൾ ഇന്നും നമ്മുടെ സമൂഹത്തിലുണ്ട്. ജീവിതത്തിന്റെ സൗന്ദര്യം അപരർക്ക് നന്മ ചെയ്യുമ്പോഴാണ് വർദ്ധിക്കുന്നത് എന്നത് വീണ്ടും ആവർത്തിക്കപ്പെടുകയാണ് ഈ അജ്ഞാതനിലൂടെ. സോഷ്യൽ മീഡിയയിൽ വന്ന വാർത്ത ചൂണ്ടിക്കാണിച്ചപ്പോൾ അദ്ദേഹത്തിൻ്റെ മറുപടി “എല്ലാം ദൈവമഹത്വത്തിനു വേണ്ടി” എന്നായിരുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ ഉത്തരവാദിയായിരിക്കില്ല.