കുട്ടികളെ അക്ഷരമാല പഠിപ്പിക്കുകയും ഒപ്പം വിശുദ്ധരെ പരിചയപ്പെടുത്തുകയും ചെയ്തു കൊണ്ട് ഒരു പുസ്തകം. ‘എബിസി ഗെറ്റ് ടു നോ ദി സെയിന്റ്സ് വിത്ത് മി’ എന്ന ഈ പുസ്തകം ഇ ഡബ്ള്യു ടി എൻ ആണ് തയ്യാറാക്കിയിരിക്കുന്നത്. ചർച്ച് പോപ്പ് ന്യൂസ് സൈറ്റിലെ എഡിറ്റർ കരോലിൻ പെർകിൻസ് ആണ് ഈ പുസ്തകം എഴുതിയിരിക്കുന്നത്.
പാട്ടുകളിലൂടെയും ചിത്രങ്ങളിലൂടെയും കുട്ടികൾക്ക് സ്വർഗ്ഗത്തിലെ കൂട്ടുകാരെ പരിചയപ്പെടുത്തുകയാണ് ഈ പുസ്തകത്തിലൂടെ. വിശുദ്ധരുടെ ഈ സ്നേഹം ചെറുപ്പം മുതൽ കുട്ടികളുമായി പങ്കിടാൻ കുടുംബങ്ങളെ സഹായിക്കുക എന്നതും ഈ പുസ്തകത്തിന്റെ മറ്റൊരുലക്ഷ്യം തന്നെ. “കുട്ടികളിൽ വിശ്വാസത്തിൽ അധിഷ്ഠിതമായ അടിത്തറയിടുന്നത് വളരെ പ്രധാനമാണ്. കുട്ടികൾക്ക് പ്രായമാകുന്തോറും അത് നൽകുന്നില്ലെങ്കിൽ അവർ എവിടെയായിരിക്കുമെന്ന് അവർക്കു തന്നെ ചിന്തിക്കുവാനാവില്ല. ലോകം നമ്മുടെ കുട്ടികൾക്ക് അനുയോജ്യമായ മാതൃകകൾ നൽകുന്നതിൽ അൽപ്പം പിന്നോട്ടാണ്”- പെർകിൻസ് വെളിപ്പെടുത്തുന്നു.
വിശുദ്ധിയിൽ വളരുവാൻ ഓരോ കുട്ടിയേയും പ്രചോദിപ്പിക്കുന്ന വിധത്തിലാണ് ഇത് തയ്യാറാക്കിയിരിക്കുന്നത്.
