തൃശൂർ വികാരിയാത്തിന്റെ സ്ഥാപക പിതാവ് മാർ അഡോൾഫ് മാർ മെഡ്ലിക്കോട്ടിന്റെ നൂറാം ചരമവാർഷികം ആചരിച്ചു. അനുസ്മരണ സമ്മേളനം ഫാമിലി അപ്പസ് തൊലെറ്റ് സെന്ററിൽ മാർ ജെയിംസ് അത്തിക്കളത്തിൽ ഉദ്ഘാടനം ചെയ്തു.
തൃശൂരിന്റെ വിദ്യാഭ്യാസ വിപ്ലവത്തിനും സാംസ്കാരിക മാറ്റത്തിനും നാന്ദികുറിച്ച വ്യക്തിത്വത്തിനുടമയാണു മെഡ്ലിക്കോട്ട് പിതാവെന്ന് അനുസ്മരണ ചടങ്ങിൽ അധ്യക്ഷത വഹിച്ച് ഷംഷാബാദ് രൂപതാധ്യക്ഷൻ മാർ റാഫേൽ തട്ടിൽ പറഞ്ഞു. സാഗർ രൂപതയുടെ ബിഷപ്പായി സ്ഥാനമേറ്റെടുത്ത മാർ ജെയിംസ് അത്തിക്കളത്തിലിനെ അതിരൂപതയ്ക്കുവേണ്ടി മാർ റാഫേൽ തട്ടിൽ അനുമോദിച്ചു.
മാർ അഡോൾഫ് മെഡ്ലിക്കോട്ടിലൂടെ കേരള സഭയ്ക്കു ലഭിച്ച നന്മകളെ റവ.ഡോ. ഡെമിൻ തറയിൽ അനുസ്മരിച്ചു.