കോട്ടയം: പ്രഥമ ഭായി കന്‍ഹയ്യ അവാര്‍ഡ് ഫാ. ടോം ഉഴുന്നാലിനു നല്‍കി ആദരിക്കും. ഉപരാഷട്രപതി വെങ്കയ്യ നായിഡു ഉഴുന്നാലിനു അവാര്‍ഡ് സമ്മാനിക്കും. ഇന്ത്യന്‍ റെഡ്‌ക്രോസ് സൊസൈറ്റി ജില്ലാ ബ്രാഞ്ച് ആണ് അവാര്‍ഡ് ഏര്‍പ്പെടുത്തിയിരിക്കുന്നത്.
ഭായി കന്‍ഹയ്യയുടെ ചരമ ദിനമായ സെപ്റ്റംബര്‍ 20 ഈ വര്‍ഷം മുതല്‍ ജീവകാരുണ്യ ദിമായി ആചരിക്കാനും തീരുമാനമായിട്ടുണ്ട്. ഫാ. ടോം ഉഴുന്നാലിനു അവാര്‍ഡ് സമ്മാനിക്കുന്ന തീയതി പിന്നീട് തീരുമാനിക്കും. റെഡ്‌ക്രോസ് സൊസൈറ്റി ഭാരവാഹികളായ സുനില്‍ സി. കുര്യന്‍, ബാബു പ്രസാദ്, ജോസഫ് ഫിലിപ്പ്, കുര്യന്‍ തോമസ് എന്നിവര്‍ പത്രസമ്മേളനത്തില്‍ പങ്കെടുത്തു.
