മാതാപിതാക്കള്
സ്നേഹപിതാവായ ദൈവമേ, മരണമൂലം ഈ ലോകത്തില് നിന്ന് വേര്പിരിഞ്ഞുപോയ എല്ലാവരേയും അങ്ങയുടെ സന്നിധിയില് സമര്പ്പിക്കുന്നു. പ്രത്യേകമായി സൃഷ്ടികര്മ്മത്തില് നിന്നോടൊപ്പം പങ്കുകാരായി മക്കള്ക്കു ജന്മം നല്കി അവരെ വളര്ത്തി മണ്മറഞ്ഞുപോയ ഞങ്ങളുടെ എല്ലാ മാതാപിതാക്കളെയും ഓര്ക്കുന്നു. ജീവിതത്തിലെ എല്ലാ പ്രതിസന്ധികളിലും വേദനകളിലും നിന്നോട് ചേര്ന്ന് നിന്ന് പ്രവര്ത്തിക്കുകയും നീ നല്കിയ സന്താനങ്ങളെ പരിപാലിച്ച് നയിച്ച അവരെ അങ്ങ് തൃക്കണ്പാര്ക്കണമേ. മഹത്വത്തിന്റെ കിരീടമണിയിച്ച് അവരെ നിന്റെ രാജ്യത്തില് പ്രവേശിപ്പിക്കണമേ. നിത്യം പിതാവും പുത്രനും പരിശുദ്ധാത്മാവുമായ സര്വ്വേശ്വരാ. ആമ്മേന്.
ശുദ്ധീകരണസ്ഥലത്തിലെ ആത്മാക്കള്ക്കുവേണ്ടിയുള്ള ജപം
മരിച്ച വിശ്വാസികളുടെ ആത്മാക്കള്ക്ക് തമ്പുരാന്റെ മനോഗുണത്താല് മോക്ഷത്തില് ചേരുവാന് അനുഗ്രഹമുണ്ടായിരിക്കട്ടെ.
നിത്യപിതാവേ, ഈശോമിശിഹാ കര്ത്താവിന്റെ വിലമതിക്കാനാവാത്ത തിരുരക്തത്തെപ്രതി മരിച്ചവരുടെമേല് കൃപയുണ്ടായിരിക്കണമേ.
1 സ്വര്ഗ്ഗ, 1 നന്മ, 1 ത്രീത്വ (അഞ്ചു പ്രാവശ്യം ചൊല്ലുക)
ചെറിയ ഒപ്പീസ് പുസ്തക രൂപത്തിൽ ലഭിക്കാൻ ഇവിടെ ക്ലിക്ക് ചെയ്യുക